Ezekiyel 17:15 - Bible azumeina

¹⁵ Wani amul máma mi tchol huneîd’a ki sed’emu, mi sun Ezipte ala a humï akulumeina ki suma ablaud’a. Sama mi le hina na, mba mi i avogovok mba mi sut tei zu? Ata yima mi but vun ma djinda woina, mba mi sut tam zu?

Ezekiyel 17:15 Referans Kwoze

Ezekiyel 17:7

Wani b’aru ma ding ma ngolâ mi nga. Gigingâm fuyogeid’a, hlimid’im ablaud’a heî mi. Gola! Guguzlu d’a a pat kä ndata, kur hat hur matna nga d’i sir sideyet kä abo ma ir b’aru mámina, abot nga mi i abo ma irama tala mi rabat mbina kad’u d’a.

Jeremi 52:3

Ahle suma a le ndazina a djiu ayîna hi Ma didinina á kak djangûna ki suma Jerusalem-ma ki suma Juda-na gak mi digizi woi dei avoromu. Sedekiyas mi tchol huneîd’a kamul ma Babilon-na.

Jeremi 38:18

Wani le ang nde d’ugol nga suma nglo suma hamul ma Babilon-nina d’uo ni, a mba hazì ma ngol ma wana abo suma Babilon-na, a mba ngalam mbei kakud’a, ang mba sut abozi d’uo mi.

Jeremi 34:3

Ang mba sut abom mbi, wani a mba vang kad’enga, a mba hang abomu. Ang mba we ir amul ma Babilon-na, mba mi dang zlad’a avunang ngei mbambak, ang mba i Babilon.

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

2 Amuleina 24:20

Ndak ndata ti mba hina ni yam zal la Ma didina hurum mi zal yam suma Jerusalem-ma ki suma Juda-nid’a gak mi digizi woi dei avoromu. Sedekiyas mi tchol huneîd’a kamul ma Babilon-na.

Gat ta a hat á mbàd’id’a 17:16

Ni sama mi kakulumeina ablaud’ina d’i, ni sama mi sun suma á i Ezipte á guzï akulumeina ablaud’ina d’uo mi, kayam Ma didina mi dagi ala ar agi hulongôgi kur ambas ndata d’i.

Ezekiyel 17:18

Amul máma mba mi sut tam mbei d’i, kayam mi gol gun tad’a is, mi but vun ma djinda kä woi ni bugol la mi hle vunam dad’a.

Ezekiyel 17:9

Ang dazi ala: Salad’a Ma didina mi dala: Guguzlu ndata mba d’i ruî avogovok su? B’aru ma avo’â mba mi pad’at sideyet tei ki vud’ut tala ti so woi ki humat ped’u d’a d’uo zu? Mba mi hal ad’eng nga ngol loze suma ablaud’a á pad’at tei ki sidiyet ti.

Jeremi 38:23

Amiyôngâ pet ki grong suma andjofâ, suma Babilon-na a mba yoziya. Ang tang mba sut abozi d’i. Amul ma Babilon-na mba mi vangû, mba mi ngal azì ma ngol ma wana woi kakud’a mi.

Hebre-na 2:3

le ei golei sut ta ngol ndata ta ni, ei mba prud’i woi ni nana ge? Salad’a tamba mi de zla sut ndata woi avogo, suma a humut avunama a deizi djivi mata mi.

Matiye 23:33

Agi guguyona, agi mageid’a grotna! Ni nana ba, agi mba ringîgi woi abo sariya d’a ka d’a ti tchugugi aduk aku d’a Jahanama-d’a ge?

Ezekiyel 21:25

Ang mun lovota tu tala ar mbigeu d’a fiyaka ti kal avo Raba azì ma ngolâ hi suma Amon-na d’a, ta dingâ tu á i kur Juda avo Jerusalem azì ma ad’eng ma ngunguna mi.

Jeremi 32:4

Sedekiyas amul ma Juda-na mba mi sut tei abo suma Babilon-na d’uo, a mba hum abo amul ma Babilon-na, mba mi wumu, mba mi dum zlad’a woi avunam mbambak.

Zla d’a d’ogolâ 19:5

Sama mi le glangâs ma aboinina, zlad’a nga d’i ba bei vum mbi; sama ka zlad’a heîna, mba mi prut tei bei zlad’a vum mbuo mi.

Sawal la giled’a 55:23

Ang tchuk ahle suma a hang djib’erina yam Ma didina, mam mba mi ndjunung á tchola, kayam mam nga mi ar sama d’ingêrâ á ka azlard’eid’a d’i.

Sawal la giled’a 56:7

A ndjak vunaziya, a nga tchid’in asenu, a nga kud’ugun á tchid’a.

Ezekiyel 23:20

E’eû mata ti zud’ut ata buniyôt suma Ezipte suma d’uwazi d’igi d’iu korona na na, a nga bur ki tazi d’igi akulumeina na mi.

Ezekiyel 29:7

Kid’a azi vabozi atanga, ang kus seyo, ang hôzi pepelezi ngata hôhô. Kid’a azi deng tazi atanga, ang kus seyo, ang tozi furuzi kä lod’ot.

Ezekiyel 29:16

Israel-lâ a mba hulong tin huruzi kazi d’uo d’a, a mba hulong ata tcho mazi d’a adjeu d’a azi yazi á ndjunuzid’a d’i. Ata yi máma azi mba wala an ni Salad’a Ma didina.

Josue 9:20

Vama ei mba lum ki sed’ezina ba wana: Ei mba arazi bei tchid’a, kayam gun nda ei gunuzi teid’a. Le d’uo ni, Ma didina hurum mba mi zal keya.

Isai 36:5

Ang djib’er ala zla d’a ded’a mba d’i mbut nga hur ma djivina ki ve tad’a á dur ayîna zu? Sama ang tin hurung kama ni nge ba, ang tchol huneîd’a ki sed’en nge?

Ezekiyel 21:28

Suma Jerusalem suma a gun tazina a gol zlad’a hi vama tak lovot máma ni zla d’a hawad’a iraziya, wani amul ma Babilon-na, mi gazi humazi yam tcho mazid’a ala a mba yozi magomba.