Ezekiyel 16:59 - Bible azumeina

⁵⁹ Salad’a Ma didina mi dala: Jerusalem, ndak ka gol gun tad’a isa, ndak ka but vun man ma djinda woid’a, an mba ni la’î d’igi ndak le hina mi.

Ezekiyel 16:59 Referans Kwoze

Ezekiyel 17:19

Ni kayam ndata ba, Salad’a Ma didina mi dala: An ni Ma bei matna. Ni gun ta d’a ki simiyênda ba, mi golot is. Ni vun man ma djinda ba, mi bud’um mbei mi. An mba ni hulongôm zla ndata kamu.

Isai 24:5

Andagad’a ti mbut ndjendjed’a abo suma a nga kaka katna, kayam azi tchila yam gata, a miret vun ma hed’a kä kaseziya, a but vun ma djin ma didin ma a djinim kAlonina woi mi.

Ezekiyel 14:4

Kayam ndata, ang dazi ala: Salad’a Ma didina mi dala: Ma Israel ma lara ma mi tin hurum yam filei ma nga mi zud’um á le tchod’ina, le mi mba á djop ma djogon vunana ni, ni an Ma didina ba, mba ni hulongôm humba yam filei mam ma ablau máma.

Ezekiyel 7:4

An mba ni tin iran kagi bei ni wagi hohowogiya, an mba ni ngobogi bei ni wagi hohowogiya, an mba ni wuragagi yam tit magid’a ki sun magi d’a ndjendje d’a agi sogi tagi kurut á led’id’a. Hina wani, agi mba wagi ala an ni Ma didina.

Jeremi 31:32

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzï woi kur ambas sa Ezipte-nid’ina na d’i. Vun ma djin máma, an ni salazina pî, azi bud’um mbeyo. An Ma didina ni de na.

Jeremi 22:9

Suma a mba hulongôzi ded’a ala: Ni kayamba a but vun ma djin ma Ma didina Alo mazina mi djinim ki sed’ezina woi d’a, ni kayamba a grif kä avok alo ma dingâ á kud’uromba.

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Isai 3:11

Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

Gat ta a hat á mbàd’id’a 29:25

A mba hulongôzi zla d’a ded’a ala: Ni kayam ba, azi but vun ma djin ma Ma didina Alona habuyozi ngolona mi djinim ki sed’ezi kid’a mi buzuguzï woi avo Ezipte-d’a woid’a.

Jeremi 11:10

A hulong wa yam tchod’a habuyozi ngolo d’a avok ka a min humun zla manda d’uo d’a, a zlap wa kalo ma dingâ á kud’uromu. Israel-lâ ki suma Juda-na a but wa vun man ma djin ma an djinim kabuyozi ngolona woyo.

Gat ta a hat á mbàd’id’a 29:24

Andjaf suma dingâ pet a mba dala: Ni kayam me ba, Ma didina mi le ki suma kur ambas ndatina na ge? Ni kayam me ba, hurum zal ngola kazi na ge?

Ezekiyel 7:3

Ki tchetchemba, dabid’a mba wa kagiya. An mba ni mba atagi kayî mana, an mba ni kagi sariyad’a kagi yam tit magid’a, an mba ni wuragagi yam sun magi d’a ndjendjed’a mi.