Ezekiyel 16:46 - Bible azumeina

⁴⁶ Wiyek ka ngol la nga kaka yam bigak ka gulad’id’a ni Samari ki grot suma aropma. Wiyek ka gor ra nga kaka yam bigak ka ndjufid’a ni Sodom ki grot suma aropma mi.

Ezekiyel 16:46 Referans Kwoze

Ezekiyel 23:4

Ta ngola a yat ala Ohola, ta gora a yat ala Oholiba. Azi ni mana, a vut gro andjofâ ki gro aropma. Ohola ni Samari, Oholiba ni Jerusalem mi.

Ezekiyel 16:61

Fata ndak fe b’oziyok suma arop suma nglona ki suma gureina mi d’a, ndak mba d’i djib’er yam tit maka, ndak mba d’i mbut zulona, an mba ni haksi d’igi grok suma aropma na, wani nga ni yam vun mak ma djinda d’i.

Ezekiyel 16:51

Samari ti le nga nus tcho d’a ndak lata d’i. Wani tcho maka ablaud’a kal tcho mazid’a. Ndak mbut b’oziyok suma aropma d’igi arop suma bei zlad’a kazina na ki sun mak ka ndjendje d’a lara ge d’a ndak lata!

Vama ndum mbeina 11:8

Mad’azi mba mi ar akulo hur azì ma ngolâ, ata yima a b’al Salazina akulo ata aguna kuana. Azì máma a yum ki d’ogolâ ala Sodom mboze Ezipte.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

2 Pierre 2:6

Alona mi ka sariyad’a yam azì ma Sodom-ma ki ma Gomor-râ, mi ngalam mbei kakud’a, kayam mi arî vama simata mi suma a min le tchod’ina.

Mise 1:5

Ahle ndazina a mba hina pet ni yam so vuna handjafâ hi Jakob-mina, ni yam tchod’a hi Israel-lîd’a. Ni me ba, mi zut andjafâ hi Jakob-ma á so vuna ge? Ni suma Samari-na d’uo zu? Ni me ba, mi zut suma hi Juda-na á tuwal fileina ge? Ni suma Jerusalem-ma d’uo zu?

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Ezekiyel 26:6

Magi suma a nga kelâ, a mba tchazi woi ki mbigeu d’a fiyaka. Hina wani, agi mba wagi ala an ni Ma didina.

Ezekiyel 23:11

Wiyeta Oholiba ti wahle ndazina, wani ti kalat kur e’eû mata, gaulang matna mi kal ma hi wiyetina.

Ezekiyel 16:27

Gola! An nga ni hlabon kan akulo á feyêk ahle suma ndak nga ki na woyo, an hak wa abo mak suma djangûna gro arop suma Filistê suma a nga le zulona yam tit mak ka tchod’ina.

Hor ma tchina 4:6

Tchod’a hi sum manid’a, ti ngola kal tchod’a hi Sodom mba a b’lagat tei atogo hina zak bei sa mi tin abom atat ba d’a.

Jeremi 23:14

Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.

Gat ta a hat á mbàd’id’a 32:32

Wani guguzlu mazid’a nandjaf guguzlu d’a Sodom-mba, asine mazina nandjaf andaga d’a Gomor-ra. Vut guguzlu mazid’a ni d’igi kuma ma tchona na, ades guguzlu mazid’a nades guguzlu d’a aglara.

Gat ta a hat á mbàd’id’a 29:23

a mba we sama zar awu kat ti, va mba mi deî kat ti, asu mba mi d’uf kat tuo mi, mba d’i hle tat ni d’igi Sodom, Gomor, Atma ki Seboyim suma Ma didina mi b’lagazi woi kur ayî mama ki hur mam ma zalina na.

Ad’u Tinda 19:29

Wani ata yima Alona b’lak azì máma woi ki ful mamba b’la’â, mi djib’er yam Abraham. Ni kayam ndata ba, Alona mi pat Lot tei kur ndak ka ngola ata yima mam b’lak azì ma mam nga kaka kuana woina.

Ad’u Tinda 14:8

Ata yi máma amul ma Sodom-ma, amul ma Gomor-râ, amul ma Atma-na, amul ma Seboyim-ma kamul ma Bela-na, nala, Sowar, azi iya, a min tazi á dur ayîna ki sed’ezi avun hor ra Sidim-mba.

Suma ka sariyad’a 19:22

Ata yima a nga le furîd’ina, gol wani, suma kur azì ma ngolîna, ni suma asa’atna, a ngui azina, a nga tum vun agre’â zazak, a nga de mi sama mamar mazina ala: Ang ndami sama kal avo hatang adjïna woi abua, kayam ami burumi ki sed’emu.

Ezekiyel 23:2

Ang gor sana, adjeu aropma a nga mbà, asuzi ni tu.

Isai 10:11

Vama an lum kazì ma Samari-na ki filei mam ma tchetina, an mba ni lum kazì ma Jerusalem-ma ki filei mam ma tcheta hina mi d’uo zu?

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.