Ezekiyel 16:38 - Bible azumeina

³⁸ An mba ni kak sariyad’a kak d’igi a ka sariyad’a yam arop suma mizeuna karop suma tchi matna na, an mba ni arak ndak bulul kä aduk buzuwak yam hur man ma zala ki yungôr mana.

Ezekiyel 16:38 Referans Kwoze

Sunda hi suma hi Levi-nid’a 20:10

Le sana mi le mizeuna katchad’a hi ndramid’a ni, mandjufâ katcha ndata djak, a tchazi woyo.

Sofoni 1:17

Ma didina mi dala: An mba ni kal suma kur ndaka. Azi mba tit ni d’igi suma duka na, buzuwazi mba mi hle yina d’igi guguma mi hle yina na, hliwizi mba mi tchim mbeyo, kayam azi le tchod’a avoron an Ma didina.

Jeremi 18:21

Kayam ndata, ang ar baktarad’a ti mba yam grozina, ang tchuguzi azi tazid’a avun ayî ma durâ. Ar amiyôzina a kak hawa bei grona, a ar modonod’a! Ar matna mi tchazi andjuviyoziya, ar azungeî mazina a tchazi woi avun ayîna ki mbigeu d’a fiyaka!

Ad’u Tinda 9:6

Kayam an Alona le sana ni d’igi an na, sama tchi sanina, sama ding mba mi tchum mi.

Vama ndum mbeina 16:6

Kayam azi tchi sum mangâ azi ki mang suma djok vuna woyo, ni kayam ndata ba, ang hazi buzuna á tched’a wana, azi ndak kayam ndata mi.

Nahum 1:2

Ma didina nAlo ma yungôra, ni ma hlatchugula, nga mi hlatchugula, ni ma ayîna heîna, nga mi hlatchugula ki mam suma djangûna, nga mi ve mam suma djangûna kurum mi.

Ezekiyel 23:25

An nga ni zal hurun kagu. An mba ni arazi a mba le ki sed’ek ki hur ma zala, a mba ngad’ak atchinak ki humak keyo, mak suma a mba arâ, a mba tchazi avun ayîna, a mba yo grok suma andjofâ ki suma aropma. Mak suma a arâ, akud’a mba d’i ngalazi woi mi.

Ezekiyel 16:40

A mba tok suma kak á durâ, a mba duruk kahinad’a, a mba kizagak kei ki mbigeu d’a fiyaka.

Ezekiyel 16:36

An Salad’a Ma didina nga ni dagu: Ndak b’rau wa ndjondjoî maka woyo, ndak ar wa tak gandilad’a á le gaulangâ ki buniyô’â, ndak tuwal wa filei ma ndjendjed’a, ndak hum wa gro’â vama ngat buzuna mi.

Ndumba 35:31

Agi vagi wuraka yam sama tchi mat ma ndak á tchid’ina d’i, kayam mi ndak á tchid’a.

Buzuk ka Abud’a 21:12

Ma didina mi de kua ala: Le sana mi tum sana mi tchumu ni, mbeî a tchi sa máma woi mi.

Ad’u Tinda 38:24

Bugol til ma hindina a mba de mi Juda ala: Akunonga Tamar ti mbut wa gaulangâ. Gola! Ti ge wa wirâ ki gaulang matna. Juda mi dazi ala: Agi it abagei kel ngalat teyo.

Ad’u Tinda 38:11

Juda mi de makunomba Tamar ala: Ndak i kak modonod’a avo habuk gak gorona Sela mi djeng tua. Mi de hina ni kayambala goroma mba mi mit d’igi b’oziyoma hina d’eyu d’a. Tamar ti i kak avo habud’u.

Ezekiyel 23:24

Azi nga djï atak durâ kahle suma sïna ki pus ma dur ayîna ki pus ma dingâ teteng mi. Suma ablaud’a mimiyâk a nga min tazi kak á durâ ki mbarei d’a nglod’a ki mbarei d’a gureid’a ki djumba. An mba ni hazi sariyad’a aboziya, azi mba kak sariyad’a kak yam gat mazid’a.

Ezekiyel 35:6

an Salad’a Ma didin ma bei matna ba na mba ni tchagu. Matna mba mi digik ad’ugu. Kayamba ndak ar nga mat ma tchid’a d’uo d’a, matna mba mi digik ad’ugu.

Ndumba 35:16

Le sana mi tum ndrama ki vama kaweina ba, mi mid’a ni, ni sama tchi matna. A tchi ma tchi mat máma woi mi.

Ndumba 35:17

Le mi tumumî kahinad’a ba, mi mid’a ni, ni sama tchi matna. A tchi ma tchi mat máma woi mi.

Ndumba 35:18

Le mi tumumî kaguna ba, mi mid’a ni, ni sama tchi matna. A tchi ma tchi mat máma woi mi.

Ndumba 35:21

d’oze le mi tumum ki hur ma sulu’â ba, mi mid’a ni, sama mi tumuma a tchum mbeyo; ni sama tchi matna. Le sama hlatchugula mi fumu ni, mi tchum mbeyo.

Ezekiyel 36:18

A mbut ambasa ndjendjed’a ki mat mazi ma tchid’a, a mbut tazi ndjendjed’a ki filei mazi ma tuwala mi. Ni kayam ndata ba, an hurun zal kaziya.