Ezekiyel 16:37 - Bible azumeina

³⁷ Kayam ndata, an nga ni togï buniyôk suma ndak tak lak djivid’a kazina ki suma pet suma ndak huruk vazina ki suma pet suma ndak minizi d’uo na. An mba ni togozï ata yima lara ge pet á durugu, an mba ni fogok ahlena atak keyo, ndak mba d’i arî gandilad’a woi iraziya. Azi mba wak gandila maka woi pid’agi.

Ezekiyel 16:37 Referans Kwoze

Wana ni mbaktumba hi Oze-d’a 2:10

Ti wan nga d’ala ni an Alona ba, ni hat gemena, ni hat süm guguzlud’a ki mbulâ, ni an ba ni hat ndjondjoîd’a, nala bege d’a hapa ki lora suma ndat ti hazi malo ma a yum ala Bäl-lâ ni anu d’i.

Wana ni mbaktumba hi Oze-d’a 2:3

Agi dagi mi b’oziyogi suma andjofâ ala: Ammi (nala, Ni sum mana!) Agi dagi mi b’oziyogi suma aropma ala: Ruhama (nala, We hohoud’a!)

Jeremi 13:22

Le ndak mba d’i de kuruk ala: Ni kayam me ba, ahle ndazina a mba kan hina ge ni, djivid’a ndak wala ni kayam tcho mak ka ablaud’a ba, a yok vun baru maka akulo, a lak ki murud’umba wana.

Vama ndum mbeina 17:16

Adif ma dogo ma ang wuma kambur máma a mba noî atcha d’a gaulang ndata. A mba yo ahle matna pet, a mba arat gandilad’a, a mba mud’ut hliwid’u, a mba ngalat tei kakud’a mi.

Wana ni mbaktumba hi Oze-d’a 8:10

Azi he he d’a hawad’a mandjaf suma hina pet pî, an mba ni togozi tchetchem. Ar ndjö, azi mba fe ndaka abo anek ka amul ma ngol ma Asiri-na mba mi tinizizi kazid’a.

Hor ma tchina 1:8

Jerusalem tcho mata ti zul ngola. Ni kayam ndata ba, ti mbut vama ndjendjed’a. Suma a suburut adjeuna a golot is, kayam a we gandila mata. Ndat tata nga d’i zam tad’u, ti hulong bugol mi.

Jeremi 13:26

An mba ni yok baru mak ka ad’uka gak ni iksi kak akulo, suma a mba wak gandila maka.

Hor ma tchina 1:19

An yi suma a le kana, wani a mbud’un iranu. Man suma ngat buzuna ki man suma nglona a bo woi kur azì ma ngolâ kid’a a nga hal tena á ndjun ari mazid’id’a.

Jeremi 22:20

Ndak Jerusalem, ndak djak akulo Liban, ndak er ad’uk akulo, ndak de zlad’a ki delek akulo kur Basan, ndak tchi wulula kur ahina d’a Abarim-mba, kayam a tchi wa suma a le kak heîna woyo.

Jeremi 4:30

Ndak Jerusalem mba b’lak keid’a, ndak mba le ni nana? Ndak mba d’i tchuk baru d’a hleud’a atagu, ndak mba d’i tchuk ahle suma lora atagu, ndak mba d’i ndal irak kahle suma djifâ, ndak mba d’i min tak hina pet pî, ni hawa hina. Buniyô’â a mba golok is, a hala’î á tchid’a d’ö.

Isai 47:3

A mba fogok ahlena atak kei arak gandilad’a. Suma a mba we zulo ma’â. An mba ni sä atchugula, an mba ni ar sa tu d’i.

Ezekiyel 23:17

Suma Babilon-na a mba geved’u, a bur ki sed’ed’u, a mbud’ut ndjendjed’a ki gaulang mazina. Ata yima a mbud’ut ndjendjed’a dana, ti wal tat tei ki sed’eziya.