Ezekiyel 16:35 - Bible azumeina

³⁵ Ndak atcha d’a gaulangâ, ndak hum zlad’a hi an Ma didinid’a.

Ezekiyel 16:35 Referans Kwoze

Vama ndum mbeina 17:5

Simi ma mudurina a nga b’ira avorot ala Babilon nda ngola, arop suma gaulangâ asuziya, ahle suma ndjendje suma yam andagad’ina asuzi mi.

Jean 4:18

Kayam ndak vik andjuveina woi vahl, wani ma ndak nga ki sed’em tchetchem wana ni ndjuvuk ki. Ka ndata, ndak de nata yad’u.

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Nahum 3:4

Ahle ndazina a mba ni kayam gaulang ma ablau ma Ninif atcha d’a gaulang nga djif heî ndata ti luma. Ti we mboli ma led’a ki kuma matna, ti gus andjaf suma woi ki gaulang matna, ti gus andjaf suma woi ki mboli matna mi.

Amos 7:16

Ki tchetchemba, ang Amasiya, ang hum zlad’a hi Ma didinid’a. Ang mala an djok vuna mi Israel-lâ d’uo an ngir hum andjafâ hi Isa’â d’uo mi na.

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Wana ni mbaktumba hi Oze-d’a 2:5

Le d’uo ni, an mba ni fogot baruna atat tei pet, an mba ni arat gandilad’a d’igi ndat ti vud’ï kä adjeu na, an mba ni mbud’ut andaga mata hur ful ma so ma gangrasâ, an mba ni tchat tei ki vun ma sod’a mi.

Ezekiyel 34:7

Kayam ndata, agi suma pola, agi humugi zlad’a hi an Ma didinid’a.

Ezekiyel 13:2

Ang gor sana, ang djok vuna mi suma djok vun suma Israel suma a nga djok vuna yam djib’er ra kuruzid’ina, ang dazi ala: Agi humugi zlad’a hi Ma didinid’a.

Jeremi 3:1

Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Isai 28:14

Kayam ndata, agi suma las suma, agi suma nga tagi yam suma Jerusalem-mina, ar agi humugi zlad’a hi Ma didinid’a.

Isai 1:21

Ang azì ma amul ma d’engzengâ, ni nana ba, ang mbut d’igi atcha d’a gaulangâ na ge? Angî ma a nga ka sariya d’a d’ingêra kurung adjeuna, angî ma a nga le sun nda irata kurung adjeuna mi. Wani ki tchetchemba, suma tchi matna a nga kaka kurungî aziya.

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

1 Amuleina 22:19

Wani Mise mi dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufa ki d’a gulad’a.

Ezekiyel 16:34

Wani gaulang ma’â nga d’igi arop suma gaulang suma dingâ na d’i. Sa nga mi i á halak ki, wani ni ndak ba, nga d’i wurak beged’a, ndak nga hulong fe va kua d’i. Ndak zla maka ni wala ki ndrok arop suma dingâ mi.

Ezekiyel 16:36

An Salad’a Ma didina nga ni dagu: Ndak b’rau wa ndjondjoî maka woyo, ndak ar wa tak gandilad’a á le gaulangâ ki buniyô’â, ndak tuwal wa filei ma ndjendjed’a, ndak hum wa gro’â vama ngat buzuna mi.