Ezekiyel 16:33 - Bible azumeina

³³ Gaulangâ pet mi ve ni wuraka abo suma, wani ndak he he mak ka hawad’a ni mi buniyô’â, ndak nga d’i wuragazi á tanazi atak ata yima lara ge pet kur gaulang ma’â.

Ezekiyel 16:33 Referans Kwoze

Isai 57:9

Agi nga igi akoid’a hamulâ ki mbulâ, agi zulugi mbul magi ma his ma afufuîna, agi sunugi magi suma sunda ata yima deina, agi hulongôgi yagi kä gak ata yima azuleina.

Wana ni Zla d’a Djivi d’a Luc mi b’irita 15:30

Wani ata yima gorong ma mi b’lagang ahligiyeng ngei marop suma gaulangîna mi mba, ang tchum gor amuhl ma d’orâ!

Mise 1:7

Filei mam ma tcheta mba mi kus seyo, he d’a hawa d’a mi fata, a mba tchugut aduk akud’a. An mba ni to alo mam ma tcheta woi kikizek, kayam mi gus ahle mam ndazina pet ni ki bege d’a gaulangâ, bege ndata a mba hulong wurak gaulang ma dingâ ki sed’et mi.

Joel 3:3

Azi le togina yam sum mana, azi he gor mandjufâ yam gaulangâ, azi gus gor weid’a süm guguzlud’a á tched’a.

Wana ni mbaktumba hi Oze-d’a 2:12

Ki tchetchemba, an nga ni fogot baruna woi atat ir buniyôtna, sama mba mi sud’ut abona nga d’i.

Ezekiyel 16:41

Azi mba ngalak aziyak ma tetengâ woi kakud’a, a mba kak sariyad’a kak kä ir aropma ablaud’a. An mba ni d’elek bei le gaulangâ, ndak mba d’i wurak sa bugol luo d’a.

Isai 30:3

Ngei d’a agi ngeyegi tagi ata Faron-nda mba d’i mbut ni vama zulona kagiya. Kak ka agi kagagi ad’u anguzu Ezipte-d’a, agi mba mangâgi woyo.

Ezekiyel 16:32

Nda’î d’igi atcha d’a mizeu d’a ar zla d’a ti bur ki ndjuvuta woi ta, ti i burî ki suma dingîd’a na.

Ezekiyel 16:34

Wani gaulang ma’â nga d’igi arop suma gaulang suma dingâ na d’i. Sa nga mi i á halak ki, wani ni ndak ba, nga d’i wurak beged’a, ndak nga hulong fe va kua d’i. Ndak zla maka ni wala ki ndrok arop suma dingâ mi.

Jeremi 2:24

Agi ni d’igi koro d’a abagei d’a ti hat ki hur ful matna d’a d’od’ok mata nga d’i zud’ut ti nga d’i ka hisa simetna ti nga d’i i avogovok ki d’od’ok mata kad’engêt bei va mi d’elet ba d’a na. Koro ma nga mi halatna, mi nga mi kau d’i, nga mi fat ata yima ndat nga d’i le zulinina.