Ezekiyel 16:26 - Bible azumeina

²⁶ Ndak le gaulangâ ki ndrok suma Ezipte suma e’eûd’a, ndak nga i ki gaulang ma’â avogovok á zalan ki hurunu.

Ezekiyel 16:26 Referans Kwoze

Ezekiyel 23:8

Ti nga d’i i avogovok ki gaulang mat ma ti tcholï ki sed’em Ezipte-na, kayam a zlap ki sed’et ni kid’a ndat ki gogorota dei, a lamat apot ni kid’a ndat ki gogorota dei, a le gaulang mazina ki sed’et mi.

Ezekiyel 23:3

A mbut tazi gaulangâ avo Ezipte, a mbut gaulangâ ni ki gugurei tazi d’ei. A lamazi apozi ni kolâ, a dozi apozi ni bei azi ngaf ki mandjuf ba.

Ezekiyel 8:17

Mi dan ala: Ang gor sana, ang we d’ang zu? Na ni ndjendje d’a Israel-lâ a nga lat ka hid’a ti ndagazi nga d’uo tua zu? A nga oî yam ambasa ki murud’umba á djiu hur man ma zala akulo, a nga hud’ï abo aguna atchinazi mi.

Ezekiyel 8:14

Mi in avun agre’â hi gong mam mba kud’ora ma abo ma norîna. Gol wani, aropma a nga kaka kä, a nga tchi horâ yam alo ma a yum ala Tamus-sâ.

Ezekiyel 8:10

An ni kala, ni gol yina. An wahle suma a hle tazi d’igi ahle suma a dram kä na na na kahle suma a hle tazi d’igi ahle suma ari suma ndjendjed’a na na ki filei ma Israel-lâ a ndjaram akulo huyok gulumuna a nguyum mbei d’uhlâ pet mi.

Isai 30:21

Fata agi mba d’ezegi woi abo ma ndjufâ d’oze abo ma gulanid’a, agi mba humugi zla d’a ded’a blogogi ala: Lovota avorogi wana! Agi hlagiziya!

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

Buzuk ka Abud’a 32:4

Mi ve ngangam ma lora aboziya, mi yoromu, mi minim gor amuhlâ. Ata yi máma Israel-lâ a er ad’uzi akulo ala: Gol alo mei ma pad’eï woi kur ambas sa Ezipte-d’ina ba wana!

Jeremi 3:1

Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Sunda hi suma hi Levi-nid’a 15:3

Ni kayam mbil mama ba, mi mbut ndjendjed’a. Le mbil mama nga mi djang mbina atam mboze nga mi djang nguo pî, mi ni ndjendjed’a.

1 Amuleina 12:28

Ata yi máma amulâ Jerobowam mi hal djib’er ra dinga, mi yor lora gro amuzleina mbà, mi de mi sum mama ala: I d’a agi igi Jerusalem teteud’a ndagagi da’. Gola! Agi Israel-lâ, alo magi ma buzugugï woi kur Ezipte-na ba wana!