Ezekiyel 16:25 - Bible azumeina

²⁵ Ndak min yima ndingâ avun lovot ta lara ge pet, ndak mbut tak ndjendjed’a ki djif ma’â, ndak he tak mi sama lara ma nga mi kalâ, ndak nga i ki gaulang ma’â avogovogo.

Ezekiyel 16:25 Referans Kwoze

Ezekiyel 16:31

Ata yima lara ma ndak min azì mak ma gaulangâ avun lovot ta lara ge ndak min yima ndingâ ata yima lara ge pet mi na, ndak nga d’i ve bege d’a wuraka d’igi atcha d’a gaulang nga hawad’a na d’i.

Jeremi 3:2

Agi hlagi iragi akulo yam ahuniyô suma fuyogeina, agi gologiya. Ni yima lara ba, agi lagi nga tchod’a kua d’uo ge? Agi nga kaka kä avun lovota á le mizeuna ki sed’ezi d’igi Arap-ma a nga kaka abagei hur fulâ á hurum ahlena hi sumina na, agi mbud’ugi ambasa ndjendjed’a ki gaulang magina ki tit magi d’a ata yat tuo d’a.

Vama ndum mbeina 17:16

Adif ma dogo ma ang wuma kambur máma a mba noî atcha d’a gaulang ndata. A mba yo ahle matna pet, a mba arat gandilad’a, a mba mud’ut hliwid’u, a mba ngalat tei kakud’a mi.

Ezekiyel 23:32

Salad’a Ma didina mi dala: Ndak mba tche ki kopma hi wiyeka ma hurum zula kä yuruk ma vunam mbei bubud’ina. Ndak mba d’i mbut ni vama sanda ki vama lasa, kayam kop máma mi oî woi tchid’it.

Ezekiyel 16:15

Ma didina mi de kua ala: Wani ndak tin huru’î yam djif ma’â, ndak mbut tak gaulangâ yam simiyêk ma nde yinina, ndak nga le gaulangâ ki sama lara ma nga mi kalâ, ndak hum tak mi.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Isai 3:9

Irazi d’a gola nga d’i le glangâsâ kaziya. A nga de woi yam tcho mazid’a bei ngeyet kä ba d’igi suma Sodom-ma na. Ni zla d’a hohoud’a kaziya, kayam azi a nga hal ndaka yam azi tazid’a.

Ad’u Tinda 38:21

Mi djop suma azina ala: Atcha d’a gaulangâ fata kaka avun lovot ta i Enayim-mba ni lara ge? A dum kua ala: Atcha d’a gaulang nga ka hî d’i.

Ad’u Tinda 38:14

Ti fok baru d’a modonod’a woyo, ti zlup tat ki baru d’a dinga ala sa wat ti, ti i kak avun azì ma Enayim-ma, avun lovot ta i Timna-d’a, kayam ndat ti wala Sela mi djeng wa da’, wani nga bei mi vad’u.

Isai 23:17

Kur dabid’a hi biza d’a dok kid’iziyad’id’a, Ma didina mba mi mba á mal lovota mi Tir. Ti mba d’i hulong kur sun mat ta ndjendjed’a, ti mba d’i le gaulangâ ki leu d’a yam andagad’a ka hina pet.

Jeremi 11:15

Ma didina mi dala: Suma an hurun vazi heîna a le nga sun nda irata d’i, a mba kur gong manda á le ni me ge? A djib’er ala vama azi hlan vunazi kama d’oze ahle suma a ngad’andji buzunina, a mba kengêzi woi abo ndaka, a mba buzuk kei kuru zu?

Nahum 3:4

Ahle ndazina a mba ni kayam gaulang ma ablau ma Ninif atcha d’a gaulang nga djif heî ndata ti luma. Ti we mboli ma led’a ki kuma matna, ti gus andjaf suma woi ki gaulang matna, ti gus andjaf suma woi ki mboli matna mi.

Jeremi 3:20

Wani an Ma didina ni dagi ala: Agi Israel-lâ, agi mbud’un iran d’igi atchad’a ti mbut ir ndjuvut na.