Ezekiyel 16:20 - Bible azumeina

²⁰ Ndak yo grok suma andjofâ ki grok suma arop suma ndak vud’undjina, ndak hazizi ahle suma ngat buzuna á ngalazi woyo. Wana ndagak nga yam gaulang ma’â d’uo tua zu?

Ezekiyel 16:20 Referans Kwoze

Ezekiyel 23:37

kayam a he tazi á le mizeuna, a tchi suma mi. A le mizeuna ki filei mazina, a he grozi suma a vud’undjina vama ngat buzu ma ngala woi kakud’a mi.

Ezekiyel 20:31

Ki tchetchemba, agi nga mbud’ugi tagi ndjendjed’a, agi nga hagi grogina vama ngat buzuna mi fileina. Agi Israel-lâ, agi djib’eregi ala ata sun ndata hina ba, an mba ni aragi agi djobon yam va zu? Hawa yak! An Salad’a Ma didin ma bei matna nga ni dagiya, an mba ni aragi agi djobon yan va d’i.

Ezekiyel 20:26

An mbud’uzi ndjendjed’a ki he d’a hawa mazid’a ata yima azi nga ngal grozi suma avo’â woi kakud’ina, an min le ki sed’ezi hina á mbud’uzi hohoud’a á tagazi woi ala an ni Ma didina.

Jeremi 7:31

A min yima tuwal fileina ata yima Tofet-na kur hor ra Ben-Hinom-mba á ngal grozi suma andjafâ ki grozi suma aropma kua. Ni vama an he nga vuna kam mbuo na, ni djib’er ra tcholï nata an nduo d’a mi.

Buzuk ka Abud’a 13:2

Ang tin gro suma a vud’uzi avok aduk Israel-lîna pet irazi vaziya, kayam gro suma a vud’uzi avo’â pet, le ni suma d’oze d’uwarâ, a ni mana.

Ezekiyel 23:39

A ngat grozina mi filei mazina, a i kur yi man ma an tinim iram vama kur bur máma baba á mbud’um ndjendjed’a. Wana nahle suma azi lazi kur gong mandina.

Ezekiyel 16:21

Ndak ngat grona, ndak haziziya, a tchuguzi aduk akud’a, a ngalazi woi á subur ki taziya!

Isai 57:5

Agi ni suma hologi tagi ad’u atchinda ad’u agu ma lara ge ma angusîna d’uo zu? Agi ni suma a nga ngad’agi grogina kä kur hora angra ahuniyônina mi d’uo zu?

Buzuk ka Abud’a 13:12

agi mba hagi grogi suma agi vud’uzi avo’â mi Ma didina, suma d’oze d’uwarâ. Suma andjofâ pet ni suma hi Ma didinina.

Mise 6:7

Ma didina mi min ni gamlâ ma dudubuna d’oze mbul ma mi djang d’igi mbiyo aluma na na zu? Ei hei ni gurei suma a vut avo’â vama ngat buzu ma ngala yam tchila meid’a ki tcho meid’a zu?

Ezekiyel 23:4

Ta ngola a yat ala Ohola, ta gora a yat ala Oholiba. Azi ni mana, a vut gro andjofâ ki gro aropma. Ohola ni Samari, Oholiba ni Jerusalem mi.

Ezekiyel 8:17

Mi dan ala: Ang gor sana, ang we d’ang zu? Na ni ndjendje d’a Israel-lâ a nga lat ka hid’a ti ndagazi nga d’uo tua zu? A nga oî yam ambasa ki murud’umba á djiu hur man ma zala akulo, a nga hud’ï abo aguna atchinazi mi.

Jeremi 32:35

A nga min yima nding ma kud’ora mi Bäl kur hor ra Ben-Hinom-mba á he grozi suma andjofâ ki grozi suma aropma vama ngat buzu ma ngala mi Molok mi. Ni vama an hazi vuna kam mboze mi tchol nga ata djib’er manda d’uo na. A nga le sun nda ndjendje d’a hina d’a á zut suma Juda-na á le tchod’a.

2 Sunda Hamuleinid’a 33:6

Mi he groma vama ngat buzu ma ngala kur hor ra Hinom-mba. Mi vandjaf kumana teteng, mi nga mi djop fileina, mi tin suma a nga djop ki suma azuleinina ki suma a nga de zlad’a yam vama nga mbana mi, mi le sun nda tchod’a ngola avok Ma didina á zalam hurumu.

2 Amuleina 16:3

Mi tit ni kur lovota hamulei suma Israel-lîd’a, mi i gak mi ngal goroma woi kakud’a d’igi vama ngat buzu ma ngala na. Ni sun nda ndjendje d’a andjaf suma Ma didina mi digizi woi adjeu avok Israel-lîna a lata.

Ad’u Tinda 17:7

An mba ni djin vunan ki sed’eng kandjavangû, kandjavang ma mba mi mba bugol kur atchogoi d’a lara ge petna mi; ni vun man ma djin ma didina. An mba ni arî Alo mangâ, Alona handjavang ma blogongîna mi.

Ezekiyel 14:14

le suma a nga kur ambas ndata hindi d’igi Noe ki Danel ki Job na pî, a mba sut tei ni yam d’ingêr mazid’a hol. An Salad’a Ma didina ni de na.

Jeremi 3:24

Kid’a ami ki gugurei tami deid’a, Bäl ma zulona mi dap ahlena habuyomi ngolona ted’a, nala, d’uwar mazi ma gureina ki d’uwar mazi ma nglona, grozi suma andjofâ ki grozi suma aropma mi.

Jeremi 19:5

Azi min yina akulo ata yima ndingâ mi Bäl á hum grozina he d’a hawa d’a ngala. Nahle suma an he nga vuna kazi d’oze ni de nga zla kazi d’oze a tcholï nga nata djib’er manda d’uo na mi.

Ezekiyel 16:36

An Salad’a Ma didina nga ni dagu: Ndak b’rau wa ndjondjoî maka woyo, ndak ar wa tak gandilad’a á le gaulangâ ki buniyô’â, ndak tuwal wa filei ma ndjendjed’a, ndak hum wa gro’â vama ngat buzuna mi.