Ezekiyel 15:2 - Bible azumeina

² Ang gor sana, na ni agu guguzlud’a zlat ti kal agu ma lara ge ma aduk agud’ina pet tchu?

Ezekiyel 15:2 Referans Kwoze

Wana ni mbaktumba hi Oze-d’a 10:1

Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Jeremi 2:21

An pagi ni d’igi guguzlu d’a djivid’a na d’igi agu ma djivi ma kal teglesâ na. Ni nana ba, agi mbud’ugi tagi ndjendjed’a avoron d’igi guguzlu d’a abagei hur fulîd’a na ge?

Sawal la kal teglesa 7:12

Ma an le kam heîna, ang mbeya, ei i abageya, ei i buri sä kur azì ma kelâ.

Sawal la kal teglesa 6:11

An nga ni i kur asine ma a pe agu nowana kuana á gol agu ma deî awili kur horina, á we na ni guguzlud’a nga d’i gat tchu? D’oze agu grenatna nga mi b’o zu?

Sawal la kal teglesa 2:15

Asut ti dala: Agi vigimi bayak ka gurei d’a nga d’i b’lak guguzlud’id’a, kayam guguzlu meid’a nga d’i b’o!

Zakari 11:2

Ang agu siprena, ang tchi wulula, kayam agu sedrena mi galal lei da’, agu ma djifâ mi b’lak kei da’, ang agu sen ma Basan-na, ang tchi wulula, kayam agu d’a ndindika ti dap pei da’.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Sawal la kal teglesa 2:13

Tuluma mi tchuk vuta, guguzlud’a b’ot ti b’ik hisâ kä b’ib’ik. Ndak ka an le kak heîd’a, ndak tchol akulo! Man nda djifâ, ndak mbeya!

Ezekiyel 15:1

Ma didina mi dan ala:

Ezekiyel 15:3

Na ni sana mi ndak á hlagu guguzlud’a á le ki sunda zu? D’oze sana mi ndak á hlagu mat ma gorâ á gum akulo á gap va kua zu?

Ezekiyel 19:12

Wani a pad’at tei ki hur ma zala, a gat kä woi andaga. Simet ma abo ma yorogona mi sot vud’ut teyo, abot ma ad’engâ mi kus mi so woyo, akud’a ti ngalam mbei mi.