Ezekiyel 13:23 - Bible azumeina

²³ Ni kayam ndata ba, ahle suma hawa ya’â a mba nde tazi iragi d’uo d’a, agi mba djogogi vun ma ka zlad’a bugol luo mi. An mba ni sut sum mana woi abogiya. Agi mba wagi ala an ni Ma didina.

Ezekiyel 13:23 Referans Kwoze

Ezekiyel 13:21

An nga ni haû lafai magina woyo, an nga ni tchuk sum mana akulo woi abogiya. A mba mbut ni d’igi vama agi vum ki daunina na hur abogi d’uo d’a. Hina wani, agi mba wagi ala an ni Ma didina.

Mise 3:6

Kayam ndata, yina mba mi rumî kagiya, va mba mi nde tam mbei iragi d’i! Yina mba mi mbut nduvunda kagiya, a mba fe sama djop filei adigagi d’uo d’a. Afata mba d’i nik yam suma djok vun ndazina, faleid’a mba d’i mbut nduvunda kaziya.

Ezekiyel 12:24

Kayam vama hawa yak ma nde tam mbei ir sanina d’oze zla d’a de d’a aboi d’a lop vun suma d’a yam ahle suma a mba lena, a mba fazi aduk Israel-lâ d’uo d’a.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Zakari 13:3

Le sama dingâ mi djok vuna d’eyu ni, abum kasum suma a vud’uma a mba dum ala: Ang ndak á matna, kayam ang de ni zla d’a kad’a ki simiyê Ma didina. Abum kasum suma a vud’uma a mba tchogom a tchum mbei ata yima mam nga mi djok vunina.

Ezekiyel 34:10

An Salad’a Ma didina ni dala: Gola! An nga ki zlad’a ki suma pola, an mba ni yo tumiyô mana woi aboziya, an mba ni arazi á pol tumiyô mana tala azi polî tazi gogod’a d’uo d’a, an mba ni prut tumiyô mana woi avunaziya, azi mba mbut ni va mazi ma ved’a d’uo d’a.

Vama ndum mbeina 15:2

An we vana d’igi alum ma ngol ma ngal tchitchilingâ na, gizeîd’a kakud’a. An we suma a kus ayîna yam ambur máma, yam vama a yorom d’igi mam na na yam nomrod’a hi simiyêmbina mi. Azi nga tchola avun alum ma ngol ma ngal tchitchiling máma. Ading ma Alona mi hazizina mi nga abozi mi.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 13:5

Ambur máma, a hum vun ma de zla d’a subur tad’a á ngul Alona. Mi fad’enga á le hina gak tilâ dok fid’i yam mbà.

Jude 1:24

Mam ma ndak á ngomogi tala agi pugugi kä d’uo na, mba mi buzugugi woi avorom kur subur mamba bei zla d’a kagi ba ki furîd’a.

2 Timote 3:9

Wani azi mba i avok ngol li, lili mazid’a mba d’i nde woi ir suma pet d’igi Janes azi ki Jambres na mi.

1 Korente-na 11:19

Djivid’a wala mba adigagi hina á we suma gagazi suma adigagina.

Marik 13:22

Suma ka zlad’a a mba tchol a yi tazi ala azi ni Mesi; suma dingâ a dala azi ni suma djok vun Alona. A mba lahle suma simata kahle suma ndandalâ kayam ladjï lovota nga ni, a mba lop vun suma Alona mi manazina mi.

Matiye 24:24

Suma ka zlad’a a mba tchol a mba yi tazi ala azi ni Mesi, suma dingâ a dala azi ni suma djok vun Alona. A mba lahle suma simat suma nglona kahle suma ndandalâ, kayam le a ndaga ni, a mba lop vun suma Alona mi manazina mi.

Ezekiyel 15:7

An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina.

Ezekiyel 14:8

An mba ni mbut iran ni ngop sa máma, an mba ni mbud’umî vama taka ki vama ndala, an mba ni pad’am mbei aduk sum mana. Hina wani, agi mba wagi ala an ni Ma didina.

Gat ta a hat á mbàd’id’a 18:20

Wani ma djok vun ma yam mba ad’eng ma nga mi de zlad’a ki simiyên nda an dumzi nga d’uo d’a, d’oze ma nga mi de zlad’a ki simiyê alo ma dingîna, ma djok vun máma, an mba ni tchum mbeyo.

Jeremi 23:14

Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.