Ezekiyel 13:12 - Bible azumeina

¹² Ata yima gulumuna mi dris kä na, a mba dagi ala: Laso d’a agi gulud’ugizi ki d’a, ti nga ni lara ge d’uo zu?

Ezekiyel 13:12 Referans Kwoze

Jeremi 37:19

Magi suma djok vun suma a djogogi vuna ala: Amul ma Babilon-na mba mi mba á durugi d’oze á dur ambas sa wanda d’uo na, a nga ni lara ge?

Jeremi 2:28

An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

2 Amuleina 3:13

Elise mi de mamul ma Israel-lâ ala: Vama ndolong ki sed’en ni me ge? Ang i djop suma djok vuna habungâ d’oze suma hasungâ. Amul ma Israel-lâ mi hulong dum ala: Nga na d’i! Ni Ma didina ba, mi yami ami amulei suma hindina ka hî á hami abo amul ma Mowap-ma.

Suma ka sariyad’a 10:14

Agi igiya, agi tchigi yam alo ma teteng ma agi manama, mi sud’ugi woi ata yima agi nga kur ndakina.

Suma ka sariyad’a 9:38

Zebul mi hulong dum ala: Zla d’a ang dat fatid’a, ti nga ni lara ge? Ang dami ala: Abimelek ni nge ko ba, ei lum sunda ge d’uo zu? Ni suma ang golozi isâ d’uo zu? Ki tchetchemba, ang i atam durâ da’!

Gat ta a hat á mbàd’id’a 32:37

Ma didina mba mi dazi ala: Alo magi ma hawa yak máma, mi nga ni lara ge? Ahina magi d’a hawa yak ka agi ring á ngei tagi atat ndata, ti nga ni lara ge?

Buzuk ka Abud’a 2:3

Ata yima ndat ti wala mi ndak á ngeid’a d’uo na, ti min kes ma tchereuna, ti gulud’um hurum ki dubangâ, ti ge gorotna kuru, ti tinim sä kä aduk ped’eud’a avun aluma.

Ezekiyel 13:11

Ang de mi suma a nga gulud’um ki lasod’ina ala: Alo ma se ma tchona mba mi mba, mogoi ma nglona mba mi yak kä, babar ma ngolâ mba mi mba. Gulumun máma mba mi to kä woyo.

Ezekiyel 13:13

Ni kayam ndata ba, an Salad’a Ma didina ni dala: Kur hur man ma zala, an mba ni mba ki babar ma ngolâ. Kur ayî mana, an mba ni mba kalo ma se ma tchona. Mogoi ma nglona mba mi yak kä kad’enga, mba mi b’lak ahlena woi pet.