Ezekiyel 12:7 - Bible azumeina

⁷ An lahle suma Ma didina mi han vun kazina, an buzuk ahle mana woi falei d’igi sama a im magombina na. Ki fladeged’a an tcho gulumuna kabonu, an nde kandjeged’a, an yo ahlena kä irazi na.

Ezekiyel 12:7 Referans Kwoze

Ezekiyel 24:18

An de zlad’a mi suma ki yorogod’a, tcha fladeged’a amanda mid’a. Tcha ndjivin yorogod’a an le vama Ma didina mi han vuna kama.

Ezekiyel 37:10

Kayam ndata, an djok vuna mi Muzu’â yam vun ma hed’a hi Ma didinina. Fod’a ti kal kur mad’a sum ndazina, azi zlit akulo, a tchol akulo kaseziya, azi ni b’rang nga ablaud’a.

Ezekiyel 37:7

Kayam ndata, an djok vuna maso’â yam vun ma hed’a hi Ma didinina. Kid’a an nga ni dum zlad’a tua d’a, an hum siwela, asok ma lara pî mi tin ad’ud’a nga mi djak ata tam ki ndrama mi.

Sunda hi suma a sunuzinid’a 26:19

Paul mi de kua ala: Kayam ndata, amulâ Agripa, an ndak á so vun vama tcholï akulo nde tam mbei iran na d’i.

Jean 15:14

Le agi nga lagi ahle suma an hagi vuna kazina ni, agi ni buniyôn suma kokodjona.

Marik 14:16

Suma hat ndazina a buzuk a iya, a kal kur azina, a fahlena pet d’igi mi dazi na, a min ahle suma te Pa’â kua mi.

Ezekiyel 12:3

Ang gor sana, ang min ahle mang suma akoid’a kä ir suma a mba yozi magombina, ang nde woi ni irazi falei na. Ang nde woi ata yima ang nga kaka kuana á i ata yima dingâ kä woi irazi na. Dam azi mba wala azi nandjaf ma bei hum vuna kla.

Ezekiyel 2:8

Wani ang gor sana, ang hum vama an nga ni dangzina. Ar ang mbut sama bei hum vuna d’igi azi na d’i. Ang mal vunang ngeyo, ang te vama an nga ni hangzina.

Ezekiyel 12:8

Ki yorogod’a Ma didina mi dan ala: