Ezekiyel 12:16 - Bible azumeina

¹⁶ Wani an mba ni ar suma dingâ adigazi tcha. Sum ndazina a mba sut tei avun ayî ma durâ, abo baktarad’a, abo tugud’ei d’a tcho d’a tchi matna mi, kayambala a väd’u sun mazi d’a ndjendje d’a lara ge pet ta azi lata woi aduk suma azi mba i kuana d’a, azi mba wala an ni Ma didina mi.

Ezekiyel 12:16 Referans Kwoze

Jeremi 4:27

Ma didina mi de kua ala: Ambasa ki zla tat pet nga d’i mbut djona, wani an mba ni b’lagat tei ki zla tat pet ti.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Romê-na 9:27

Isai mi de ki delem akulo yam Israel-lâ ala: Ndumba hi gro Israel-lîd’a, ti le ni d’igi les ma avun alum ma ngolîna na pî, nad’uzi d’a ara ba, a mba fe suta.

Matiye 24:22

Wani ladjï Alona mi dadak burâ go d’uo ni, sana mba mi fe suta d’i. Wani ni kayam suma mi manazina ba, mi dadagï ki burâ wana.

Matiye 7:14

Kayam lovot ta i kur arid’id’a tad’enga heî, vun agre’â mi ni mbed’et mi, suma fatna a nakid’eid’a mi.

Ezekiyel 36:31

Ata yi máma agi mba djib’eregi yam tit magid’a ki sun magi d’a ata yat tuo d’a, agi mba gologi tagi ni vama ndjendjed’a yam tchila magid’a ki sun magi d’a ndjendje d’a agi lat adjeud’a.

Jeremi 30:11

Ma didina mi de kua ala: An nga ki sed’egi á sud’ugiya, an mba ni dap andjaf ma lara ma an ndjoyôgi woi adigama woi pet, wani agiya, an mba ni dabagi woi d’i. An mba ni aragi hawa bei ngopa d’i, wani an mba ni ngobogi ni ki lovod’od’u.

Isai 24:13

Zla ndata mba d’i mba kur ambasa aduk suma ni d’igi a tchi vud’agu olifâ na, d’igi sana mi tchi helena balum guguzlu d’a a d’ud’ut teid’a na mi.

Isai 10:22

Ang Israel, le sum mangâ a mba zulî d’igi les ma avun alum ma ngolîna na pî, nad’uzi d’a arâ ba, mba d’i mba, kayam Ma didina mi nga wa hurum yam b’laka da’. D’ingêra mba d’i kal lei kad’u.

Isai 10:19

Agu ma mba mi ar aduk agu mazid’ina a mba ndumumu, gogorâ pî mi ndak á b’irim kä mi.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Ad’u Tinda 13:16

An mba ni zulung andjavang d’igi andaga d’a gugud’upa na; le sana mi ndak á ndum andaga d’a gugud’upa ni, mi mba mi ndumung andjavang mi.

Ezekiyel 7:15

Ayîna nga mi dur rei abua, tugud’ei d’a tcho d’a tchi matna ki baktarad’a a nga krovo mi. Sama sä woi abagei kelâ, a mba tchumza avun ayîna; sama nga kä hur azì ma ngolîna, baktarad’a ki tugud’eid’a a mba tchum mi.

Ezekiyel 12:15

Fata an ni ndjoyôzi woi aduk andjaf suma yam ambasa tetengâ, azi mba wala an ni Ma didina.

Ezekiyel 12:17

Ma didina mi dan kua ala:

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Ezekiyel 36:20

Kid’a azi mba aduk andjaf suma ding suma azi i kuanid’a, a mbud’un simiyên Ma bei tchod’a ndjendjed’a. Suma a de kazi ala: Suma wana ni suma hi Ma didinina, a buzugï woi ni kur ambas mamba.

Sawal la giled’a 59:12

Ang tchazi tala sum mana a mar yam kus sa ang kus kazid’a d’a d’i, ang ndjoyôzi woi kad’eng manga, ang hulongôzi yazi kä. Salad’a, angî mbarei mamid’a.