Ezekiyel 12:12 - Bible azumeina

¹² Ma ngol ma te yam ma adigagina mba mi yo ahlena kelem kandjeged’a, mba mi nde woyo, mba mi tcho gulumuna iram á nde woi kua, mba mi zlup ahlena woi iram mbala mi wambasa ki iram mbuo d’a.

Ezekiyel 12:12 Referans Kwoze

Jeremi 39:4

Ata yima Sedekiyas amul ma Juda-na ki suma dur ayîna a wazina, a yo ringâ, a buzuk kei kur azì ma ngolâ kandjege dangâla ki lovot ta kur asinena hamulâ d’a avun agrek ma aduk gulumun ma mbànina, a hle lovot ta i Araba-d’a.

2 Amuleina 25:4

Azigar suma Babilon-na a tcho ir gulumuna hazì ma ngolîna. Suma Juda suma dur ayîna a ring pet, a buzuk kei kur azì ma ngolâ kandjege dangâla ki lovot ta avun agrek ma aduk gulumun ma mbànina, go kasinena hamulîna, a hle lovot ta i Araba-d’a. Ata yi máma azigar suma Babilon-na a nga nguid’a yam azina.

Ezekiyel 12:6

Ang yo ahlena keleng kä irazi na, ang nde kandjeged’a, ang zlup ahlena woi irangû, ang gol ambasa d’i. Kayam an min ala ang mbut ni vama taka yam Israel-lâ.

Jeremi 52:7

Kur bur máma, azigar suma Babilon-na a tcho ir gulumuna hazì ma ngolîna. Suma Juda suma dur ayîna ki zla tazi pet a yo ringâ, a buzuk kei kur azì ma ngolâ kandjege dangâla ki lovot ta avun agrek ma aduk gulumun ma mbànina, go kasinena hamulîna, a hle lovot ta i Araba-d’a. Ata yi máma azigar suma Babilon-na a nga nguid’a yam azina.

Jeremi 42:7

Bugol burâ dogo, Ma didina mi hulong humba mi Jeremi.

Jeremi 24:8

Zlad’a yam tulum ma tcho ma mi ndak á ted’a d’uo na ba wana: An mba ni le ki Sedekiyas amul ma Juda-na ki mam suma sunda ki suma a ar avo Jerusalem suma a ar kur ambas sa wandina ki suma a nga kaka Ezipte-na ni hina dedege mi.

Jeremi 32:5

Amul ma Babilon-na mba mi i ki Sedekiyas Babilon, mba mi kak sä kua gak bur ma an mba ni duma. Le agi durugi ayîna ki suma Babilon-na pî, agi mba kuzuzi d’uo ge?

Jeremi 37:17

Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu? Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.

Ezekiyel 12:4

Ang yo ahle mangâ d’igi sama a im magombina na, ang nde woi irazi faleya, ang nde irazi woi fladege d’igi sama a im magombina na.

2 Amuleina 7:5

Kid’a afata ar go á nikid’a, a tchol a i kur kang ma Siri-na. Kid’a azi mbaza avun kangîd’a, a fe nga sa d’i.

Wana ni mbaktumba hi Job-pa 24:16

Suma kula a nga tcho ir gongîyona andjege, a nga ngei tazi faleya, a nga we b’od’a ki irazi d’i.