Ezekiyel 11:12 - Bible azumeina

¹² Agi mba wagi ala an ni Ma didina, kayamba agi tid’igi nga yam gat manda d’oze agi tid’igi nga yam vun man ma hed’a d’uo d’a. Wani agi tid’igi ni yam gata handjaf suma a nguyuginid’a.

Ezekiyel 11:12 Referans Kwoze

Ezekiyel 8:10

An ni kala, ni gol yina. An wahle suma a hle tazi d’igi ahle suma a dram kä na na na kahle suma a hle tazi d’igi ahle suma ari suma ndjendjed’a na na ki filei ma Israel-lâ a ndjaram akulo huyok gulumuna a nguyum mbei d’uhlâ pet mi.

Ezekiyel 8:16

Mi in hur atrang nga krovo d’a avun gong mam mba kud’orid’a. Gol wani, andjofâ d’igi dok mbà yam vahl na a nga tchola avun gong nga kud’or ndata aduk yima kala ki yima ngal ahle suma ngat buzuna. A he huyogozi mi gong ndata, a mbut irazi abo ma yorogona, a grif kä abo ma yorogona avok afata.

Ezekiyel 8:14

Mi in avun agre’â hi gong mam mba kud’ora ma abo ma norîna. Gol wani, aropma a nga kaka kä, a nga tchi horâ yam alo ma a yum ala Tamus-sâ.

Daniel 9:10

Ami humumi nga deleng ang Ma didina Alo mamina á tid’imi yam gat mang nga ang hamizï avun azungeî mang suma djok vunid’a d’i.

Ezekiyel 20:24

kayam azi le nga sunda yam vun man ma hed’a d’i, a ar gat manda woyo, a mbut bur man ma sabatna ndjendjed’a, a tin irazi ni yam fileina habuyozi ngolona mi.

Ezekiyel 20:21

Wani grozina a tchol huneîd’a ki sed’enu, a tit nga yam gat manda d’i, a ngom nga vun man ma hed’a d’oze a le nga sunda kam mbi. Nahle sumala mbeî sana le mi le sunda kaziya ba, mi kak karid’a na. A mbut bur man ma sabatna ndjendjed’a mi. An djib’er ala an mba ni zal hurun kazi gak ni dap vun ayî mana kazi hur fulâ.

Ezekiyel 20:16

Kayam azi gol vun man ma hed’a is, a tit nga yam gat manda d’i, kayam azi mbut bur man ma sabatna ndjendjed’a, kayam huruzi mi nga tinda yam filei mazina tua.

Ezekiyel 18:9

nga mi tit yam gat manda, nga mi ngom vun man ma hed’a, nga mi le sunda yam gagazid’a mi. Sama hina na ni sama d’ingêrâ; gagazi, mba mi kak karid’a mi. An Salad’a Ma didina ni de na.

Ezekiyel 11:21

Wani suma huruzi ve sun mazi d’a tchod’a ki sun mazi d’a ndjendje d’a lara ge petna, an mba ni hulongôzi sun mazi d’a tcho ndata kaziya. An Salad’a Ma didina ni de na.

Jeremi 10:2

Ma didina mi dala: Ar agi tid’igi bugol andjaf suma dingâ d’i, ar agi lagi mandarâ abo ahle suma simat suma a tcholï akulona d’igi andjaf suma dingâ a nga le mandarâ abozi hina d’i.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Sawal la giled’a 78:10

kayam azi ngom nga vun ma djin ma Alona mi djinim ki sed’ezina d’i, azi noî a tit yam gat mamba mi.

Nehemi 9:34

Amulei mamina, suma nglo mamina, suma ngat buzu mamina kabuyomi a tin nga humazi yam gat manga d’i, a tin nga humazi djivid’a yam vun ma he mangâ d’uo mi na, yam ngop pa ang ngobozid’a d’uo mi.

Esdras 9:7

Kur atchogoid’a habuyomi ngolod’a dei gak ini zlad’a vamiya. Ni kayam tcho mami ndata ba, ang hami woi kamulei mamina ki mami suma ngat buzuna abo amuleina hi suma dingîna, á tchamiya, á lami magomba, á hurumumi d’igi a nga lami irami houd’a gak ini na mi.

2 Sunda Hamuleinid’a 36:14

Suma nglo suma avok suma ngat buzuna kablaud’a a nga le sun nda tcho d’a ata yat tuo d’a kam kua kam kua, a nga tit yam sun nda ndjendje d’a lara ge pet ta andjaf suma dingâ a nga lata, a mbut gong nga kud’ora hi Ma didina d’a mi tinit irat vat avo Jerusalem-mba ndjendjed’a mi.

2 Sunda Hamuleinid’a 28:3

Mi ngal dubang ma his djivid’ina kur hor ra Hinom-mba, mi ngal groma kakud’a d’igi he d’a hawa d’a ngala na. Ni sun nda ndjendjed’a handjaf suma Ma didina mi digizi woi adjeu avok Israel-lîna a lata.

2 Sunda Hamuleinid’a 13:9

Agi digigi suma ngat buzuna hi Ma didinina andjafâ hi Aron-na ki suma hi Levi-na woyo, agi tinigi suma ngat buzuna d’igi suma yam ambas sa dinga a nga le na. Nge nge pî, mi mba kamuhl ma azongâ ki gamlâna kid’iziya á tinim ki kur sun nda ngat buzuna malo mala nAlona d’uo na.

2 Amuleina 21:22

Mi tit nga kur lovota hi Ma didinid’a d’i, wani mi ar Ma didina Alona habuyom ngolona woyo.

2 Amuleina 21:2

Mi le sun nda tchod’a avok Ma didina, mi tit ni yam sun nda ndjendje d’a lara ge pet ta andjaf suma Ma didina mi digizi woi adjeu avok yam andagad’a á ar yina mi Israel-lîd’a.

2 Amuleina 18:12

Ahle ndazina pet a le ki Israel-lâ hina kayam a hum nga vun Ma didina Alo mazina d’i, a ngom nga vun mam ma djinda d’i, a hum nga vun ma he ma Moise azongâ hi Ma didinina mi dazizina d’i, a tit nga kam mbuo mi.

2 Amuleina 16:3

Mi tit ni kur lovota hamulei suma Israel-lîd’a, mi i gak mi ngal goroma woi kakud’a d’igi vama ngat buzu ma ngala na. Ni sun nda ndjendje d’a andjaf suma Ma didina mi digizi woi adjeu avok Israel-lîna a lata.

1 Amuleina 11:33

An nga ni le hina kayam me Israel-lâ a aran ndeyo, a i kud’or Astarte alod’a hi suma Sidon-nid’a, Kemos alona hi suma Mowap-mina ki Milkom alona hi suma Amon-nina. Azi tit nga yam lovot ta an tagazizid’a d’i, azi tit nga yam lovot ta d’ingêra avoron ndi, azi ge nga yazi kä ad’u gata ki vun ma he ma teteng ma an hazizina d’igi Salomon abum David na d’uo mi.

Sunda hi suma hi Levi-nid’a 26:40

Ma didina mi de kua ala: Bugol ahle ndazina, azi mba de woi yam tcho mazid’a ki d’a habuyozi ngolod’a ki tchila mazi d’a azi tchilat avoronda ki so vun mazi ma azi son vunana,

Sunda hi suma hi Levi-nid’a 18:3

Ar agi lagi ahle suma suma yam ambas sa Ezipte d’a agi kagagï kata a lazina d’i, d’oze agi lagi ahle suma suma yam ambas sa Kanan nda an nga ni igi kua wanda a nga lazina d’i. Agi tid’igi yam gat mazid’a d’uo mi.

Ezekiyel 18:8

nga mi he va mi sa ki mbina d’i, nga mi hal mbina abo sa d’i, nga mi ve bege d’a mbut ira abo sa d’i, nga mi ka sariya d’a gagazid’a aduk sana ki ndrama,

2 Amuleina 21:9

Wani suma Juda-na a ge nga yazi kä ad’u Ma didina d’i. Wani Manase mi zut suma kua á le tchod’a kal andjaf suma Ma didina mi dabazi woi tchid’a avok Israel-lîna.

Nehemi 9:33

Angî d’ingêr kur ahlena pet suma a mba kamina, kayam angî ma d’engzengâ, wani ami lami tchod’a.

Ezekiyel 5:6

Suma kuruma a tchila yam vun man ma hed’a ki gat manda, asa’ata kal andjaf ma dingâ kambas sa nguyuzid’a, kayam a ar vun man ma hed’a woyo, a tit nga yam gat manda d’uo mi.