Ezekiyel 10:9 - Bible azumeina

⁹ An nga ni gol yina. Gol wani, abo pusâ fid’i mi nga go ki tcherebêna, abo pusâ tutu yam tcherebêna gagang, abo pus máma mi wile ni d’igi ahina krisolita na.

Ezekiyel 10:9 Referans Kwoze

Vama ndum mbeina 21:20

ta vahla ni onisa, ta karagayad’a ni sarduwanda, ta kid’iziyad’a ni krisolita, ta klavandid’a ni berila, ta zlengîd’a ni topasa, ta dogod’a ni krisoprasa, ta dogo yam tud’a ni turkowisa, ta dogo yam mbàd’a ni ametisted’a.

Daniel 10:6

Tamî d’igi ahina d’a guzut kal teglesa na, iram wile ni d’igi wiled’a halonid’a na, iram mba gola ni d’igi sin akud’a na, abom kasem a wile ni d’igi kawei ma hleu ma a hegem mbeina na. Ata yima nga mi de zlad’ina, an hum delem nga d’i siwel d’igi dela hablaud’id’a na.

Ezekiyel 10:8

An we vana nga ad’u giging tcherebêna kä d’igi abo sana na.

Ezekiyel 10:10

Azi ki zla tazi d’a fid’id’a pet a nabo tazi tu. Abo pus ma lara pî mi ni kala kur tam kakal.

1 Amuleina 7:30

Pus ma lara pî mi nga kasem ma kawei ma hleuna fifid’i. Kawei máma nga ata abom ma fifid’i mama ná vum akulo. Kawei máma vunam nga djinda kabo pusâ ad’u kä bugol ahle suma ndjundjû ndazina.