Ezekiyel 1:13 - Bible azumeina

¹³ Aduk ahle suma ari ndazina vana nga mi ngal d’igi aku d’a gordjona na, nga d’i trâ d’igi sina akud’a na. Nga d’i ngui aduk ahle suma ari ndazina, nga d’i yak kei ki wiled’a, wiled’a ti ndeï woi aduk akud’a.

Ezekiyel 1:13 Referans Kwoze

Vama ndum mbeina 4:5

Wiled’a ki siwela ki breîd’a halonid’a a buzuk kei ata zlam mba amul ndata. Lalam mba akud’a kid’iziya nga d’i ngal avok zlam ndata, azi ni muzuk ma kid’iziyana hAlonina.

Sawal la giled’a 104:4

Ang mbut simetna ni d’igi sama ang sunuma na, ang mbut sin akud’a ni d’igi sama lang sundina na mi.

Vama ndum mbeina 18:1

Bugol ahle ndazina, an we malaika ma dingâ mi tcholï akulo, mi tchugï asem kä. Mi nga kad’enga ngola, wile mamba ti b’o yam andagad’a pet.

Vama ndum mbeina 10:1

An gol malaika ma ad’engâ mi tcholï akulo mi tchugï asem kä. D’ugula ti kulubumu, vir ma b’al alona mi nga kam mi. Iram mba gola ni d’igi afata na, asemî d’igi kawei ma murguli ma a gum aduk akud’ina na.

Matiye 28:3

Tam wile d’igi wiled’a halonid’a na, baru mamba hapa titil d’igi gagarad’a na mi.

Ezekiyel 1:7

Asezi mi naduk hina d’ingêr, asezi ma tita ni d’igi asem gor amuhlâ na, nga mi wile d’igi kawei ma hleu ma a hegema na.

Ad’u Tinda 15:17

Kid’a afata nik dad’a, yina mbut nduvunda i’îlik. Gola! Ata yi máma andos nga mi buzugï aduk akud’a ki sin akud’a bibiliu a nga kal aduk hliu ma mi walam mbeina.

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

Ezekiyel 10:2

Ma didina mi de mi sama mi nga ki baru d’a hap pa luluîd’a atama ala: Ang i aduk abo pus ma nga kä ad’u tcherebênina, ang i yo gordjo ma nga kä ad’u tcherebênina, ang oî abong zla tam djak, ang i yagam akulo yam azì ma ngol máma. Mi ge tam mi i kua kä iran na wat.

Daniel 7:9

Daniel mi de kua ala: Ata yima an nga ni gol tua na, a ndjar zlumiyôna kä, ma abizei ma dedeina mi mba mi kak yam zlam mba dinga tu. Baru mam mba atamba ti hapa d’igi gagarad’a na, tumus sa kamba ti djifâ luluî d’igi tumus tumiyôna na. Zlam mamba nga d’i ngal d’igi sin akud’a na, abot ni d’igi abo pus ma akud’a na,