Ester 9:27 - Bible azumeina

²⁷ Juif-fâ a tin vun til ma bei ara ba na kaziya, yam andjavaziya, yam suma a zlap ki sed’ezina, á ngom bur ma mbà ma hi vun til mámina bizad’a ki bizad’a, ata bur ma a ngama d’igi Mardose mi b’irizizi kur mbaktumba na.

Ester 9:27 Referans Kwoze

Zakari 2:11

Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Isai 56:6

Wani andjaf suma ding suma a mba zlap ki an Ma didina á lan sunda, á le yam simiyên an Ma didina, á kud’uron suma pet suma a mba ngom bur ma sabatna á mbud’um ndjendjed’a d’uo suma a mba kak ngingring yam vun man ma djindina,

Isai 56:3

Ar andjaf ma ding ma mi djin tam ki Ma didinina mi dala: Gagazi, Ma didina mba mi walan ndei ki sum mama d’i, ar adimbangâ mi dala: An nagu ma so ganangû d’uo mi.

Ester 8:17

Kur ambas sa lara, kur azì ma ngol ma lara ma vun ma hed’a hamulîna ki gat mamba i kuana, Juif-fâ a le furîd’a, a le te ma ngolâ, a lü vun tilâ mi. Suma dingâ ablaud’a a mbut tazi Juif-fâ kayam mandarâ hi Juif-fîna mi vaziya.

Zakari 8:23

An Ma didin ma ad’engên kal petna ni dala: Kur bur máma suma dogo ad’u vun ma ded’a teteng a mba ve vun barud’a hi ma Juif-fîd’a, a mba dum ala: Ami imi ki sed’egiya, kayam ami humumi ala Alona mi nga ki sed’egiya.

Ester 9:21

Mi dazi ala: Agi lagi vun tilâ bizad’a ki bizad’a, kur bur ma dogo yam fid’ina gak bur ma dogo yam vahlâ hi til ma Adar-rîna.

1 Samuel 30:25

David mi le hina kur bur máma. Gak kur bur ma bugolâ, zla ndata ti arî gata aduk Israel-lâ gak ini.

Josue 9:15

Josue mi djin vunam ki sed’ezi yam halasa ala a lazi va d’i. Suma nglo suma avok sumina a gunuzi tazi mi.

Gat ta a hat á mbàd’id’a 5:3

Ni ki abuyogi ngolo ba, Ma didina mi djin vunam ki sed’ezi hol li, wani ni ki ei suma nga ki irei ini pet wana mi.

Ester 9:20

Mardose mi b’ir ahle suma a le ndazina kur mbaktumba, mi sun mbaktum ndata mi Juif-fâ pet suma a nga kur leud’a hamulâ Asuwerus suma gogona ki suma dedeina mi.

Ester 9:28

A nga ngom bur ma vun til máma, kur atchogoi d’a lara ge pet, kur azina hi sama lara ge, kur azì ma ngol ma lara ge pet mi. Bur ma Purim-ma ni burâ hi Juif-fâ ma bei ara ba na, mi arî vama ge humba kazi kandjavazi gak didin.

Ndumba 15:15

Gat ndata mba d’i ka’î yam ablaud’a pet, yam agi Israel-lâ d’igi yam angoyogeina na mi. Mba d’i ka’î gat ta irata kur atchogoi d’a lara ge pet ta nga d’i mbad’a. An Ma didina nga ni le ki Israel-lâ vazi mi, ni le kangoyogeina vazi mi d’i.

Suma ka sariyad’a 11:40

kur biza d’a lara pî gro arop suma Israel-lâ a nga i á tchi hora Jefte ma Galät-na goromba burâ fid’i fid’i.

Sawal la giled’a 78:7

tala azi tin huruzi yam Alona, a mar yam sun mamba d’i, a ngom vun mam ma hed’a mi d’a.

Isai 2:3

Andjaf suma ablaud’a a mba i kua, a mba dala: Agi mbeyegïya! Ei i djagei akulo yam ahinad’a hi Ma didinid’a, kur gong nga kud’ora hAlona hi Jakob-mid’a kayam mi had’ei gat mamba. Ar ei tid’i kur lovot mam mba mi tageizid’a. Kayam gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Ezekiyel 16:61

Fata ndak fe b’oziyok suma arop suma nglona ki suma gureina mi d’a, ndak mba d’i djib’er yam tit maka, ndak mba d’i mbut zulona, an mba ni haksi d’igi grok suma aropma na, wani nga ni yam vun mak ma djinda d’i.