Ester 9:1 - Bible azumeina

¹ Bur ma dogo yam hindina hi til ma dogo yam mbà ma a yum ala Adar-rîna mi ndaga. Ni bur mala a de woi yam vun ma hed’a hamulâ na, ni bur ma suma djangûna hi Juif-fîna a tin huruzi ala a te kaziya na, wani zla ndata ti hulongî kazi azi go. Kur bur máma Juif-fâ a kus kaziya.

Ester 9:1 Referans Kwoze

Ester 8:12

A le sun ndata ni kur bur ma tuna kur ambas sa amulâ Asuwerus nga mi te kata, kur bur ma dogo yam hindina hi til ma dogo yam mbàna hi til ma a yum ala Adar-rîna.

Ester 3:13

A sun mbaktumba abo suma sunda yam ambas sa amulâ nga mi te kata pet ala: A i b’lak Juif-fâ woyo, a tchazi woyo, a dabazi woi pet, nala, azungeîna, momorogeina, kemba karopma kur bur ma tuna, nala, kur bur ma dogo yam hindina hi til ma dogo yam mbà ma a yum ala Adar-râ, ar a hurumuzi ahligiyezi mi.

Vama ndum mbeina 11:18

Andjaf suma a nga ki hur ma zala. Wani yina mba wa á tak ayî mangâ woyo, á ka sariyad’a yam suma matna, á wurak magumei mang suma djok vuna ki mang suma pet suma a nga lang mandarangâ, suma nglona ki gugureina, á b’lak suma a b’lak andagad’ina woi mi.

Sawal la giled’a 30:11

Ma didina, ang humunu, ang wan hohowonu; Ma didina, ang ndjununu!

Sunda hi suma a sunuzinid’a 12:11

Djib’era hi Pierre-ra ti mba, mi dala: Ki tchetchemba, an we gagazi, Salad’a mi sunï malaika mama á sud’un ndei abo Herot kahlena pet suma Juif-fâ a ngazi kan á led’ina.

Ester 9:17

A lahle ndazina ni kur bur ma dogo yam hindina, a tuk tazi kur bur ma dogo yam fid’ina, a le te ma furîd’a burâ sop.

Ester 3:7

Kur til ma avok ma a yum ala Nisan-na, kur biza d’a dogo yam mbà d’a Asuwerus nga mi tamulid’a, a nde le pur-râ, nala, togina, avok Haman burâ ki burâ, gak mba mi nde kur til ma dogo yam mbà ma a yum ala Adar-râ.

2 Samuel 22:41

Ang ar man suma djangûna a ring avoronu, suma noyôna, an dabazi tchid’a woyo.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Ester 8:6

Ni nana ba, an mba ni we ndak ka mba d’i mba yam sum manid’a ge? Ni nana ba, an mba ni we tchi d’a a mba tchan andjavanda ki iran nge?

Sawal la giled’a 18:40

Ang han ad’enga á dur ayîna, ang hulong man suma djangûna yazi kä ad’unu.