Ester 2:10 - Bible azumeina

¹⁰ Ester ti tak nga sum matna d’oze andjavat tei mi sa d’i, kayam Mardose mi gad’at ala ti de woi mi sa d’i.

Ester 2:10 Referans Kwoze

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Ester 2:20

Ester ti tak nga andjavat toze sum matna woi d’uo gak d’igi Mardose mi hat vuna na. Ester nga d’i ge yat kä ad’u vun ma hed’a hi Mardose-na d’igi ata yima ndat nga abom dei na na.

Efes-sâ 6:1

Agi gugureina, vama djivina avok Salad’a, agi humugi vun simiyêgiya.

Ester 3:8

Haman mi de mamulâ Asuwerus ala: Andjaf suma dingâ a nga. A b’rau nga woi aduk suma kur ambas mangina pet, gat mazid’a ni vat zenen ki d’a hi suma pet, a nga tit yam gat manga d’uo mi. Le ang arazi hawa na ni, djivi mata ni me ge?

Ester 7:4

Kayam ami ki sum mana a guzumi ni woi á b’lagami á tchami woyo, á lud’ud’umi woi mi. Le a guzumi woi ná mbud’umi magumeina go ni, an mba ni de zla d’i. Wani ma djangû mamina mba mi fe lovota á wuragang yam b’lak mamid’a d’i.

Ester 2:7

Mam mi ma wul Hadasa-na nala Ester; ndat nabum wiyema goromba, ndat ni hokuyod’a, ti djif heî mi. Kid’a abut azi kasut a bod’a, Mardose mi mbud’ut goromba.

Ester 2:11

Wani burâ ki burâ Mardose nga mi ngui avun azina haropmina á gol na ni Ester ti nga ni nana ge, a nga lat ni nana ge d’a?

Wana ni mbaktum mba a b’irit yam Rut-ta 3:6

Rut ti i kur ambid’a’â hi Bowas-sâ, ti lahlena pet suma akunota hat vuna kazina.