Esdras 9:3 - Bible azumeina

³ Ata yima an hum hina na, an haû baru mana ki baru manda ngola woyo, an ndjut yan ndei ki dudumanu, an i kak kä ki hur ma hata ngola.

Esdras 9:3 Referans Kwoze

Nehemi 1:4

Kid’a an hum zla ndatid’a, an kak kä nga ni tchiya, an le burâ ablaud’a kur djib’era, an d’el tan bei te tena, an nde tchen Alo ma akulona.

Josue 7:6

Josue ki suma nglo suma Israel-lâ, a haû baru ma atazina woyo, a tchuk andagad’a kaziya, a grif kä andaga ki irazi avok zandu’â hi Ma didinina, a ar bur kä ata yi máma gak fladege.

Mise 1:16

Agi suma Jerusalem-ma, agi welegi yagi woyo. Agi arat d’igi ta hi togozeid’id’a na, agi tchigi hor ra grogi suma agi hurugi vazi heîna, kayam a mba yozi magomba izi woi dei ki sed’egiya.

Daniel 8:27

An Daniel djib’eren ti b’lak ngola, ni mbut tugud’eid’a burâ tcha. Bugol la an mbut gangrangid’a, an ve sunda hamulîd’a led’a. Wani an kak ki djib’era yam vama nde tam mbei iran máma, kayam an wum nga ad’um mbi.

Daniel 4:19

Bugol ndjö, Daniel ma a yum ala Beltasar-râ mi hak hik, djib’erem b’lak ngola. Amulâ mi hulong dum ala: Beltasar, ar ang le mandarâ yam adï d’a danda kad’ut ta ved’a d’i. Beltasar mi hulong dum ala: Salana, ar adï d’a danga kad’ut ta ved’a ti i ni yam mang suma djangûna, yam mang suma a halang huneîd’ina mi.

Ezekiyel 7:18

A mba tchuk dodora ataziya, mandarâ mba mi vaziya, a mba hle irazi akulo abo zulona d’i, a mba dap yazi wela woi pet mi.

Ezekiyel 3:15

An mbaza Tel-Abip, avo hi suma a yozi magombina avun alum ma Kebar-râ. Ata yima azi nga kaka kuana, an kak sä kua adigazi burâ kid’iziya kur djib’era ngola.

Jeremi 36:24

Amulâ kazungeî mama pet a hum ad’u zla ndata pet, wani a le nga mandar roze a haû nga baru mazi ma atazina woi d’uo mi.

Jeremi 7:29

Ma didina mi dala: Agi suma Juda-na, agi ngad’agi tumus sa kagi d’a fuyogei d’a tak kei ala agi tinigi tagi irat vad’u d’a, agi tchugut teyo, agi i gagi horâ akulo yam ahuniyô suma fuyogei suma va nga kazi d’uo na. Agi nandjaf ma nga mi djon ayî manina; an nga ni minigi d’uo d’a, an nga ni aragi woyo.

Isai 15:2

Suma Dibon-na a djak akulo kur gong nga fileina yam yima ndingâ á tchina, suma Mowap-ma a nga tchi yam Nebo ki Medeba, a wel yazi woyo, a tchau dudumazi woi pet mi.

Sawal la giled’a 143:4

Djib’er manda nga ata yat ti, hurun b’lak kurun krovo mi.

Sawal la giled’a 66:3

Agi dagi mAlona ala: Sun manga ni sun nda ndandala. Yam ad’eng manga, mang suma djangûna a hulong yazi kä avorongû.

Wana ni mbaktumba hi Job-pa 1:20

Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä,

Nehemi 13:25

An ngoboziya, an nguluziya, an to suma dingâ, an ndjud’uzi tumus sa kazid’a woyo, an gunuzi ki simiyê Alona ala: Ar agi hagi grogi suma aropma mi grozina d’i, ar agi vigizi grozi suma aropma mi grogina d’oze mi agi tagid’a d’uo mi.

2 Amuleina 18:37

Ata yi máma Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulîna ki Jowa Asaf gorom ma b’ir zla d’a led’a kä na a haû baru mazina woyo, a hulong gen Ezekiyas, a dum zla d’a ma avun ma ngol ma Asiri-na mi data.

Sunda hi suma hi Levi-nid’a 21:5

Ar suma ngat buzuna a wel yazi d’oze apei dudumazi d’oze a zi tazi á tak kei ala azi nga kur yor tad’a d’i.

2 Samuel 1:11

David mi haû baru mam ma atama woyo. Suma ki sed’ema pet a haû baru ma atazina woi mi.

Sawal la giled’a 119:53

An ka guruta yam suma asa’at suma a ar gat manga woina.