Esdras 7:27 - Bible azumeina

²⁷ Esdras mi dala: Lei mersi mi Ma didina Alona habuyoi ngolo ma mi mal djib’era hamulîd’a woi mi min gong nga djifâ hi Ma didinid’a avo Jerusalem-ma.

Esdras 7:27 Referans Kwoze

Esdras 6:22

A lü vun til ma a lum kavungô ma bei angufina ki furîd’a gak burâ kid’iziya, kayam Ma didina mi lazi tazi djivid’a ata yima mi mal djib’era hamul ma Asiri-na á ndjunuzi kur sunda hi gong nga kud’ora hAlona hi Israel-lînid’a.

Isai 60:13

Subur ra Liban-nda pet kagu siprena kagu pêna kagu buisâ, ki zla tazi pet a mba mba avo hatak á he ngola mi yi man ma an tinim iram vama. An mba ni subur yima an tin asen kuana mi.

Vama ndum mbeina 17:17

Kayam Alona mi hazi djib’er ndata kuruzi á le min mamba, á ndjak vunazi tu, á hamul mazid’a mambur máma, gak zlad’a hAlonid’a ti ndak memet.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Hebre-na 10:16

Ma didina mi dala: Wana ni vun ma djin ma an mba ni djinim ki sed’ezi bugol bur mámina: An mba ni tin gat manda kuruziya, an mba ni b’irit kur djib’er mazi d’a kuruzi krovod’a mi.

Hebre-na 8:10

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kur djib’er mazid’a, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

2 Korente-na 8:16

Ami lami mersi mAlona, kayam mi mal lovota mi Tit á hat hurum kagi d’igi ami na mi.

Nehemi 2:12

Bugola, an tchol andjege ki suma dingâ ad’un tcha, bei an de zla d’a Alo mana mi tinindji kurun á lat yam Jerusalem-mba mi sa ba, an i nga ki vama ding ngi, ni koro ma an nga kama hol.

Nehemi 2:8

Ang han mbaktum mba dinga abon mi Asaf ma ngol ma te yam agunina, kayam mi han aguna á le ki vun azì ma ndjol ma nga go ki gong nga kud’ora hAlonid’ina, ki gulumuna hazina ki gulumuna hazì ma ngol ma an i ni kak kuana. Amulâ mi han lovota kayam Alo man ma djivina iram nga tinda kanu.

Filip-ma 4:10

Wani an nga ki furîd’a yam Salad’a, kayam bugol burâ ablaud’a, agi hulong djib’eregi kanu. Kayam agi nga ki djib’era kan adjewe, wani agi fagi nga lovota á ndjunun ndi.

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Nehemi 7:5

Alona mi malan djib’er manda, an tok suma nglona ki suma avok suma kablau d’a peta, kayam a ndum suma ad’u andjavaziya. An fe mbaktumba nga b’ira kä adjeu yam suma a hulongî avo avo’â. Zla d’a an fat b’ira kä d’a ba wana:

Buzuk ka Abud’a 8:9

Ma didina mi hum tchenda hi Moise-sa; greneûna mi bo woi hur gongîyona, hur azina, hur asinena mi.

2 Sunda Hamuleinid’a 31:8

Ezekiyas ki suma nglo suma sunda a mba gol mola hahle ndazinid’a, a le mersi mi Ma didina, a b’e vunazi yam mam suma Israel-lâ.

Wana ni Zla d’a Djivi d’a Luc mi b’irita 7:5

kayam mam le yam andjavei heî; ni mam ba, mi minimi gong mami d’a toka.