Esdras 7:16 - Bible azumeina

¹⁶ Ang i ki bege d’a hapa ki lora pet suma ang mba fazi yam andaga d’a Babilon-ndina, ki he d’a hawa d’a suma ki suma ngat buzuna a mba hat kur min mazid’a yam gong nga kud’ora hAlo mazina d’a nga Jerusalem-mba mi.

Esdras 7:16 Referans Kwoze

1 Sunda Hamuleinid’a 29:6

Ata yi máma suma avok andjafâ hi Israel-lîna, azigar suma nglo suma avok azigar suma dudubuna, suma avok azigar suma kikisâ ki suma avok suma a le sunda kamulîna, a he he d’a hawad’a ki hur ma djivina

Esdras 1:6

Ndrozi sumazina a ndjunuzi kahle suma sunda, lora kahlena teteng, d’uwarâ kahle suma guzuzi ngolina bei ndum he d’a hawa d’a kur min mazid’id’a ba mi.

Esdras 1:4

Yima lara ma Israel suma a arâ a nga kaka kuana, ar suma kak kur yi mámina a ndjunuzi ki bege d’a hapa, lora, d’uwarâ ki he d’a hawa d’a kur min mazid’id’a á min gong nga kud’ora hAlo ma nga avo Jerusalem-ma.

1 Sunda Hamuleinid’a 29:9

Suma a le furîd’a yam he d’a hawa d’a a hat kur min mazid’id’a, kayam a hat mi Ma didina ni ki hur ma tuna bei gigrita. Amulâ David pî mi le furîd’a ngola mi.

2 Korente-na 9:7

Ar nge nge pî mi he ni kur min mamba, wani ki hur ma zala d’oze kad’enga d’uo mi, kayam Alona tam lum djivid’a ni yam sama mi he ki furîd’ina.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

2 Sunda Hamuleinid’a 6:2

wani an mining gong nga ngol la kud’ora, ni yima ang mba kak kur gak didina!

2 Sunda Hamuleinid’a 6:5

Dedei d’a an buzugï sum mana woi yam ambas sa Ezipte-d’a, an man nga azì ma ngol tu aduk andjafâ hi Israel-lîna á min gong nga simiyên mba mi yi kuad’a d’i, an man nga sa á tak lovota mi man suma Israel-lâ d’uo mi.

2 Sunda Hamuleinid’a 6:6

Wani an man Jerusalem kayambala simiyên mi yi kuad’a, an manang ang David á tamula yam man suma Israel-lâ mi.

2 Sunda Hamuleinid’a 31:14

Kore Jimna gorom ma ad’u andjafâ hi Levi-na ni ma ngom vun agrek ma abo ma yorogonina, ni ma nga mi ve he d’a hawa d’a sana mi hat kur min mamba mAlonid’a, ni ma nga mi b’rau he d’a hawa d’a a gazat akulo avok Ma didinid’a kahle suma a tinizi irazi vazi suma kal teglesâ mi sumina.

Sawal la giled’a 135:21

agi suma avo Siyon-na, agi suburugi Ma didin ma nga kaka avo Jerusalem-ma. Agi gilegi Ma didina!