Esdras 6:5 - Bible azumeina

⁵ Ar a hulong ahle suma a lazi ki lora kahle suma a lazi ki kawei ma hapma suma kur gong nga kud’ora hAlonid’a avo Jerusalem suma Nebukanezar mi yozi mi izi Babilon-na, ar a hulongôzi tinda ata yazi ma a yozi kua adjeu kur gong nga kud’ora hAlonid’ina.

Esdras 6:5 Referans Kwoze

Daniel 5:2

Ata yima Baltazar mi tche süm guguzlud’a mi gurutna, mi he vuna ala a i yoï kop ma lora ki kop ma kawei ma hapma suma abum Nebukanezar mi hurumuzï kur gong nga kud’ora hAlonid’a avo Jerusalem-ma, tala mi tche süma ki sed’ezi ki mam suma nglona kamiyôma kamiyôm suma gureina mi d’a.

Esdras 5:14

Amulâ Sirus mi yoi ahle suma a lazi ki lora kahle suma a lazi ki kawei ma hapma suma Nebukanezar mi yozi kur gong nga kud’ora hAlonid’a avo Jerusalem mi tchuguzi sä kur gong nga kud’or fileina avo Babilon-na, mi hazi abo sama a yum ala Sesebasar ma mam tinim á te yambina.

Jeremi 27:16

An de mi suma ngat buzuna kablau d’a peta ala: Gola! Ma didina mi dala: Ar agi humugi suma djok vun suma a nga dala: Ar hina ndjö ahle suma kur gong nga kud’ora hi Ma didinid’ina, a mba hulongôzï yod’a avo Babilon-nu na d’i, kayam vun ma azi nga djogogizina ni zla d’a kad’a.

Jeremi 52:19

Ma ngolâ hi suma a ngom yinina, mi yo ahlena kua, nala, halâ, andru ma vakud’a, anguleina, duguyona, agu lalamba, kopma ki tazana. Ahle ndazina pet a lazi ni ki lora ki kawei ma hapma.

2 Sunda Hamuleinid’a 36:10

Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.

2 Amuleina 24:13

D’igi Ma didina mi de avok na, Nebukanezar mi yo ahle suma a nga kur gong nga ngom ndjondjoî d’a kur gong nga kud’ora hi Ma didinid’ina ki suma nga kur gong nga ngom ndjondjoî d’a kur azina hamulîd’ina pet, mi to ahle suma lor suma Salomon amul ma Israel-lâ mi minizi á le ki sunda kur gong nga kud’ora hi Ma didinid’ina woi pepet mi.

Daniel 1:2

Salad’a mi he Jojakim abo Nebukanezar, mi bongôm lovota á yo ahle suma a nga kur gong nga kud’ora hAlonid’ina nde. Mi yo suma dingâ magomba, mi izi kur ambas sa Babilon-nda, mi tchuk ahle suma mi yozï hurumbina kur gong nga ngom ahlena kur gong nga kud’ora halo mamid’a.

2 Sunda Hamuleinid’a 36:18

Nebukanezar mi yo ahle suma sun suma kur gong nga kud’ora hi Ma didinid’a suma nglona ki suma gureina zlapa kahle suma ndjondjoî suma kur gonga hi Ma didinid’ina ki suma hamulîna ki suma hi mam suma sundina pet mi, mi i ki sed’ezi avo Babilon.