Esdras 6:17 - Bible azumeina

¹⁷ A hamuzlei suma andjofâ kis, gamlâna kikis mbà ki tumiyôna kikis fid’i he d’a hawad’a yam tin nda a tin gong nga kud’ora hAlonid’a irat vata. A he mbekmberena he d’a hawad’a dogo yam mbà ngad’a yam andjafâ hi Israel ma dogo yam mbàna á zlup yam tchod’a hi Israel-lîd’a avok Alona.

Esdras 6:17 Referans Kwoze

Esdras 8:35

Suma a tcholï kur magomba a mbana, a he he d’a hawa d’a ngala mAlona hi Israel-lîna amuzlei suma andjofâ dogo yam mbà, gamlâna dok zlengâ yam karagaya, gro tumiyôna dok kid’iziya yam kid’iziya, mbekmberena dogo yam mbà ngad’a yam Israel-lâ pet á zlup yam tchod’a. Azi pet a hazi he d’a hawa d’a ngala mi Ma didina.

2 Sunda Hamuleinid’a 7:5

Amulâ Salomon mi ngat amuzleina buzuna 22.000 kaho’â 120.000. Ni hina ba, amulâ ki suma pet a tin gonga hAlonid’a irat vad’u.

1 Amuleina 18:31

Mi yo ahinad’a dogo yam mbà, ngad’a yam andjaf ma dogo yam mbàna hi Jakob ma Ma didina mi dum ala: Bugol hî a mba yang ala Israel-lu na.

Sunda hi suma hi Levi-nid’a 4:28

Le mi we wa ad’u tcho mam mba mi lata ni, mi he b’ë d’a bei daka ba d’a vama ngat buzuna yam tcho d’a mi lata.

Sunda hi suma hi Levi-nid’a 4:3

Le ni ma ngat buzu ma a vom mbulâ kam á tinim iram vama ba, mi le tchod’a mi b’lak ablaud’a ni, mi hamuhl ma azong ma bei daka ba na vama ngat buzuna mi an Ma didina á zlup yam tcho d’a mi lata.

Vama ndum mbeina 21:12

Ti nga nguid’a ki gulumun ma ngol ma fiya’â, vunam dogo yam mbà; malaikana dogo yam mbà a nga ngomom vunamu. Mi nga b’ira avunamu, simina handjaf Israel ma dogo yam mbàna mi nga kua,

Wana ni Zla d’a Djivi d’a Luc mi b’irita 22:30

kayam agi tagi agi tchagi ki sed’en kur leu manda. Agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna.

1 Amuleina 8:62

Amulâ Salomon ki Israel-lâ pet suma a nga ki sed’ema a hahle suma ngat buzuna mi Ma didina.

2 Sunda Hamuleinid’a 29:24

Suma ngat buzuna a ngat mbekmbere suma kid’iziya ndazina, a vo buzuwazi yam yima ngal ahle suma ngat buzuna tala Alona mi vat hurum mbei yam Israel-lâ ped’u d’a, kayam amulâ mi he vuna ala a hahle suma ngat buzu suma ngala kahle suma ngat buzu suma zlup yam tchod’ina yam Israel-lâ pet.