Esdras 4:4 - Bible azumeina

⁴ Ata yi máma suma yam ambas ndatina a tchuk suma Juda-na tazi susub’ok, a mbud’uzi mandarâ á min gong ndata,

Esdras 4:4 Referans Kwoze

Esdras 3:3

Azi nga le mandara suma ata yi mámina. Hina pî, a min yima ngal ahle suma ngat buzuna ata yam ma adjeuna, a nga he he d’a hawa d’a ngala mi Ma didina yorogo ki fladege.

Jeremi 38:4

Suma nglona a de mamulâ ala: Sa máma mi ndak á tchid’a, kayam ni mam ba, nga mi tchuk suma dur ayî suma a ar kaka kur azì ma ngol ma wana zlapa kablau d’a peta tazi susub’ok ki zla mam mba de d’a hina d’a. Sa máma nga mi halî djivi d’a yam sumid’a d’i, wani mi hal nala ndaka ti mba kaziya.

Nehemi 6:9

Sum ndazina a min mbud’umi mandarâ, a dala: Tazi mba d’i tchuk lus, a mba ar sun ndata bei led’a. An tchen Alona kua ala: Wani ki tchetchemba, ang Alo mana, ang han ad’enga.

Nehemi 4:11

Mami suma djangûna a dala: A mba hum mbi, a mba we d’i, gak ei mba mbeiza adigaziya, ei mba tchaziya; ni hina ba, ei mba d’elei sun ndata.

2 Samuel 4:1

Kid’a Isebäl Saul goroma mi hum ala Apner mi mit sä Hebron mi d’a, mi mbut amangeîd’a; Israel-lâ pet a mbut mandarâ hehebek mi.

Esdras 4:5

a he beged’a mi suma de d’alâ á d’el sun ndata. A le hina kur atchogoid’a hi Sirus amul ma Perse-nid’a gak mba kur atchogoid’a hi Dariyus amul ma Perse-nid’a mi.

Nehemi 4:2

Nga mi lazamiya, mi de avok b’oziyoma ki azigar suma Samari-na ala: Juif suma ad’engêzi nga d’uo na a le ni me na ge? A mba dap sun mazid’a á hahle suma ngat buzuna mAlo mazina zu? A mba dap sun mazi d’a min gulumuna ini kahinad’a a yot kä aduk butna d’a ngal leid’a zu?

Daniel 10:13

Wani amul ma kur leu d’a Perse-d’ina mi tchol ad’enga ki sed’en gak burâ dok mbà yam tu. Wani Michel ma ngol ma aduk malaika suma nglonina, mi mba mi ndjununu, kayam amul ma kur leu d’a Perse-d’ina mi d’elen nga kaka gevem kä.

Daniel 10:20

Mi djobon ala: Ang we d’op zla d’a an mba geveng kata zu? Ki tchetchemba, an nga ni hulong á dur ayîna kamul ma Perse-na. Ata yima an ina, amul ma Gre’â nga mi mba.