Esdras 4:24 - Bible azumeina

²⁴ Nata yi máma ba, a d’el sunda hi gong nga kud’ora hAlonid’a avo Jerusalem gak kur biza d’a mbà d’a Dariyus amul ma Perse-na nga mi tamulid’a.

Esdras 4:24 Referans Kwoze

Wana ni mbaktumba hi Job-pa 20:5

suma asa’atna a hle sawal la bangâna ni gid’enga hina ngiyeû go, furîd’a hi sama nga mi kud’or Alona d’uo na ni gid’enga hina getib’engû d’a d’uo zu?

Nehemi 6:9

Sum ndazina a min mbud’umi mandarâ, a dala: Tazi mba d’i tchuk lus, a mba ar sun ndata bei led’a. An tchen Alona kua ala: Wani ki tchetchemba, ang Alo mana, ang han ad’enga.

Nehemi 6:3

An hulong sunuzi suma ni dazi ala: An nga ki sunda ngola á led’a, an ndak á arat ni iza gevegi d’i. Le an iza gevegiya ni, sun ndata mba d’i d’ela.

Esdras 6:1

Ata yi máma amulâ Dariyus mi he vuna ala a hal kur mbaktum mba nga tchuka avo Babilon kur gong nga ngom mbaktumbid’a.

Esdras 5:5

Wani Alona iram nga tinda yam suma nglo suma Juif-fâ; mazi suma djangûna a d’elezi nga bei le sunda d’i, a de zla ndata mamulâ Dariyus gak a fe mbaktumba abom yam minda hi gong ndatid’a.

1 Tasaloni’â 2:18

ami minimi á iza hatagiya. An Paul, an kuk á iza hatagi yan tcha, wani Seitan mi d’elemi lovota.

Esdras 4:23

Ata yima a ndum mbaktumba hamulâ Artazerses-sa avok Rehum ki Simsai ma b’ir mbaktumba ki ndrozi suma dingâ nduma, a i Jerusalem atogo zak ata Juif-fâ kahle suma sïna aboziya, a d’elezi bei le sunda kad’enga.

Esdras 5:1

Ata yi máma suma djok vuna Aze azi ki Zakari Ido goroma a nga djok vun Alona mi Juif suma Juda-na ki suma Jerusalem-ma ki simiyê Alona hi Israel-lîna.

Esdras 6:14

Suma nglo suma Juif-fâ a nga min gonga, a nga i irazi avogovok d’igi suma djok vun Alona Aze azi ki Zakari Ido goroma a de na. A min gulumuna akulo d’igi Alona hi Israel-lîna mi he vuna na, d’igi Sirus ki Dariyus ki Artazerses amulei suma Perse-na a he vuna na mi.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.

Wana ni mbaktumba hi Aze-d’a 1:1

Kur bur ma avo’â hi til ma karagayana kur biza d’a mbà d’a Dariyus nga mi tamulid’a, Ma didina mi de mi mam ma djok vuna Aze ala mi i de mi Zorobabel ma Salatiyel gorom ma nga mi te yam Juda-na ki ma ngol ma ngat buzuna Josue Josadak goroma ala:

Wana ni mbaktumba hi Aze-d’a 2:15

Ma didina mi de kua ala: Ki tchetchemba, agi djib’eregi yam ahle suma kalâ kahle suma inina. Avok ka bei tin ahinad’a yam ndrata ata gong man nda kud’ora tua d’a,

Zakari 1:1

Kur til ma klavandina kur biza d’a mbà d’a Dariyus nga mi tamulid’a, Ma didina mi de mi mam ma djok vuna Zakari Berekiya gorom ma Ido gorom ngolonina ala:

Esdras 3:8

Kur til ma mbàna hi biza d’a mbàd’ina kur mba mazid’a avo Jerusalem ata yima gong nga kud’ora hAlonid’a nga kuana, Zorobabel Salatiyel goroma, Josue Josadak goroma, b’oziyozi suma ngat buzu suma a arâ, suma hi Levi-na ki suma pet suma a tcholï kur magomba a mba avo Jerusalem-ma, a nde le sunda. A he sun ndata abo suma hi Levi suma bizazi dok mbà dok mbà d’oze kal dok mbà dok mbàna, kayam a gol sun nda led’a hi gong nga kud’ora hi Ma didinid’a.

Esdras 4:5

a he beged’a mi suma de d’alâ á d’el sun ndata. A le hina kur atchogoid’a hi Sirus amul ma Perse-nid’a gak mba kur atchogoid’a hi Dariyus amul ma Perse-nid’a mi.

Esdras 6:15

A dap gong nga minda ni kur bur ma hindina hi til ma a yum ala Adar-râ, kur biza d’a karagaya d’a amulâ Dariyus nga mi tamulid’a.

Daniel 11:2

Ki tchetchemba, an nga ni dang zla d’a gagazid’a. Malaika máma mi dan kua ala: Gola! Amuleina hindi a mba tchol te yam suma Perse-na kua. Bugola, ma fid’ina mba mi tok ndjondjoîd’a kal suma ding suma hindina. Fata mi mbut ad’enga ki ndjondjoî mambid’a, mba mi tchol djangûna ki leu d’a Grek-ka.

Wana ni mbaktumba hi Aze-d’a 2:18

Ki tchetchemba, agi djib’eregi yam ahle suma kalâ kahle suma inina. Ei kur bur ma dok mbà yam fid’ina hi til ma zlengîna dei gak mba kur bur ma a gäd’u gong nga kud’ora hi an Ma didinid’a kä na, agi djib’eregiya.