Esdras 3:10 - Bible azumeina

¹⁰ Kid’a suma sunda a ge ad’u gong nga kud’ora hi Ma didinid’a kä dad’a, suma ngat buzuna a nga tchola ata yi máma ki barud’a nglod’a ataziya, aduveina abozi mi, zlapa ki suma hi Levi suma Asaf gromina ki tchigiyeud’a abozi á gile Alona d’igi David amulâ hi Israel-lîna mi hazi vuna adjeu na.

Esdras 3:10 Referans Kwoze

2 Sunda Hamuleinid’a 35:15

Suma hle sawala andjafâ hi Asaf-fâ a nga tchola ata yazi ma sunda d’igi David azi ki Asaf, Heman ki Jedutun ma wahle suma a nga mbana hamulîna a he vuna na. Suma ngom vun gongîyona a nga tchola ata vun agrek ma lara pî gagang. Suma hle sawala ki suma ngom vun gongîyona, sa mi djok nga ad’um mbei ata yam ma sunda d’i, kayam b’oziyozi suma hi Levi-na a nga min tena kaziya.

1 Sunda Hamuleinid’a 23:5

mi tin suma gile Ma didina kahle suma bud’a d’igi mam minizi á gilem hina na 4000 mi.

1 Sunda Hamuleinid’a 16:42

Heman azi ki Jedutun a nga bu adif fa nglod’a ki tchigiyeud’a kahle suma a buzi á hle ki sawala á he ngola mAlonina. Jedutun groma a ni suma ngom vun yima a tinim iram vam mi Ma didinina.

1 Sunda Hamuleinid’a 16:37

David mi tin Asaf azi ki b’oziyoma avun zanduk ma vun ma djinda hi Ma didinina mi nga kuana á lum sunum teteu d’igi a ngat á led’a burâ ki burâ na.

1 Sunda Hamuleinid’a 15:27

David mi tchuk baru d’a ngol la luluîd’a atamu, zlapa ki suma hi Levi suma hle zandu’â ki suma hle sawala ki Kenaniya ma avok suma hle sawalina mi. David mi nga ki baru d’a efo d’a luluîd’a atam mi.

1 Samuel 22:18

Ata yi máma amulâ mi de mi Dowek ma Edom-ma ala: Ang mbut irang ang tchi suma ngat buzu ndazina woyo. Mi mbut iram mi tchazi mi, mi tchi suma a tchuk baru d’a efod’a atazina kur bur máma ni dok klavandi yam vahl.

Esdras 5:16

Ni Sesebasar máma ba, mba mi gäd’u gonga hAlona d’a nga avo Jerusalem-mba. A tinï ad’ud’a kur bur máma dei gak ini a nga kur minda, wani ti nga bei dapa.

Sawal la giled’a 150:5

Agi gilegizi ki tchigiyeu d’a tchina, agi gilegizi ki tchigiyeu d’a tchi heîd’a.

Wana ni mbaktumba hi Aze-d’a 2:15

Ma didina mi de kua ala: Ki tchetchemba, agi djib’eregi yam ahle suma kalâ kahle suma inina. Avok ka bei tin ahinad’a yam ndrata ata gong man nda kud’ora tua d’a,

Zakari 4:7

Ma didina mi de kua ala: Ndak ahina d’a ngola, nda’î nge ba, mba d’i tchol avok Zorobabel ge? Mam mba mi blazak kä woyo, mam mba mi tin ahina d’a kal teglesa akulo kak ki furîd’a, a mba de kat ala: Ti djif heî! Ti djif heî!

Zakari 6:12

Ang dum ala: Ma didin ma ad’engêm kal petna mi dala: Sana simiyêm ala Agu ma hud’ura mba mi hud’urï ata yamu, mba mi min gong nga kud’ora hi an Ma didinid’a akulo.

Zakari 7:3

á djop suma ngat buzuna ki suma djok vuna ala: Na ni ami tchimi d’elemi tami bei te tena kur til ma vahlâ baba d’igi ami nga lami avok dei hina zu?

2 Sunda Hamuleinid’a 5:12

Suma hi Levi suma hle sawala zla tazi pet, nala, Asaf, Heman ki Jedutun zlapa ki grozina ki b’oziyozina, a tchuk baru d’a luluî d’a lalavata ataziya, a nga tchola ata yima ngal ahle suma ngat buzuna abom ma yorogona ki tchigiyeud’a kading ma nglona kading ma gureina aboziya. Suma ngat buzuna kis kam dok mbà a nga tchola gevezi a nga bu aduveina mi.

2 Sunda Hamuleinid’a 35:14

Bugola, suma hi Levi-na a min te ma kazi azina ki tena hi suma ngat buzunina, kayam suma ngat buzuna andjafâ hi Aron-na, a nga le sun nda ngal ahle suma ngat buzu suma ngala ki mbul ahle suma ngat buzuna gak andjege. Ni kayam ndata ba, suma hi Levi-na a min tena kazi azi ki suma ngat buzuna andjafâ hi Aron-na.

Esdras 2:41

Andjaf suma hle sawala ba wana: Adesâ hi Asaf-fâ ni 128,