Efes-sâ 6:4 - Bible azumeina

⁴ Agi abuyod’a, ar agi djogi grogina ki zlad’a d’i, wani agi wuluzi akulo, agi gad’aziya, agi had’azi zlad’a hi Salad’id’a mi.

Efes-sâ 6:4 Referans Kwoze

Kolos-sâ 3:21

Agi simiyêziya, agi djozi ki zlad’a tala tazi tchuk lus suo d’a.

Zla d’a d’ogolâ 22:6

Ang tak gogorâ lovot ta mi ndak á tit kura, le mi djeng mamara pî, mba mi d’es sei kurut ti.

Zla d’a d’ogolâ 29:15

Tod’a ki ngopa a nga he sana ned’a, wani gogor ma a golom hawa isâ, mi mba ni ki zulona yam asumu.

Zla d’a d’ogolâ 19:18

Ang gat gorongâ ata yima mi ndak á gatina. Hina wani, ang mba d’elem avun matna.

Gat ta a hat á mbàd’id’a 6:7

Ang had’am mi grongâ, ang dum zlam ata yima ang kak kä avo hatangâ, d’oze ata yima ang i akoid’ina, d’oze ata yima ang bur kä na, d’oze ata yima ang tchol akulona mi.

Zla d’a d’ogolâ 29:17

Ang gat gorongâ, mba mi tugung tangû, mba mi b’lengêng hurung mi.

2 Timote 3:15

Kid’a ang gogora tua d’a, ang we mbaktumba hAlona d’a ndak á hang ned’a á ing kur suta yam gagazi d’a ang hat yam Jesus Christ-sa.

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Gat ta a hat á mbàd’id’a 4:9

Moise mi dazi kua ala: Wani agi gologi tagi djivi burâ ki burâ kur kak magi d’a yam andagad’id’a tala ahle suma agi wagizi ki iragi pet wana, agi maragizi d’i, ar a buzuk kei kurugi d’uo mi d’a. Agi had’agizi mi grogina ki grogi ngolona mi.

2 Timote 1:5

An nga ni djib’er yam he gagazi d’a irat ta nga kurunga, ni d’a nga kur asung ngolo Lois kasung Eunis adjeud’a, an we gagazi ti nga kurung mi.

Zla d’a d’ogolâ 22:15

Lilid’a nga kur gogorâ, wani azlingât ta a tom ki d’a mba d’i digit tei dei ki sed’emu.

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

Isai 38:19

Wani ni suma a nga ki irazi ini d’igi an na na ba, a mba gilengû. Nabuyod’a ba, a mba tak d’engzeng manga woi mi grozina.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

1 Sunda Hamuleinid’a 29:19

Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.

Efes-sâ 6:3

Hina wani, ang mba kak ki djivid’a, ang mba te ngola tatâ yam andagad’a mi.

Suma ka sariyad’a 13:12

Manowa mi dum ala: Djiviya! Fata zla manga ndaka, ni gad’a me ba, ami mba tit kat ke? Ami mba lami ni nana ki gor máma ge?