Efes-sâ 5:21 - Bible azumeina

²¹ Ar agi gagi yagi kä ad’u tagi d’igi agi gagi yagi kä avok Christ na mi.

Efes-sâ 5:21 Referans Kwoze

Filip-ma 2:3

Ar agi lagi va ki tuguyod’a d’oze ki subur ta d’a hawa yaka d’i. Wani agi gagi yagi kä avok tagiya, ar nge nge pî adigagi mi we ndrama ala mi kalamu.

Efes-sâ 5:24

Wani d’igi Toka ti ge yat kä ad’u Christ na, hina mi, ar aropma a ge yazi kä ad’u andjuviyoziya kur ahlena pet mi.

Efes-sâ 5:22

Aropma, ar agi gagi yagi kä avok andjuviyogi d’igi agi nga gagi yagi kä avok Salad’a na mi.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Hebre-na 13:17

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

1 Pierre 2:17

Agi hugi suma pet, agi lagi yam b’oziyogi suma a he gagazid’ina, agi lagi mandar Alona, agi gagi yagi kä avok amul ma ngolâ mi.

1 Timote 3:4

Ni sama ngom aziyam djivid’ina, ni ma gat groma djivid’a kukud’u’â.

Galat-na 5:13

B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.

1 Timote 2:11

Djivid’a aropma a hum hata ni ki vunazi ma d’u’â, a ge yazi kä mi.

1 Korente-na 16:16

Kayam ndata, an nga ni tchenegiya, ar agi gagi yagi kä ad’u suma hina na ki suma a nga le sunda zlapa ki sed’ezina pet mi.

Zla d’a d’ogolâ 24:21

Gorona, ang le mandara Ma didina kamulâ. Ar ang zlap tang ki suma a hal huneîd’a heîna d’i.

Nehemi 5:15

Wani suma a mba a te yam suma avorona a tin aneka yam suma, a nga tar avungôna ki süm guguzlud’a aboziya, burâ ki burâ a nga ve bege d’a hapa abozi dok fid’i dok fid’i; azungeî mazina pî, a nga hazi ndaka mi. Wani yam mandara Alona, an le nga hina d’i.

2 Sunda Hamuleinid’a 19:7

Kayam ndata, agi lagi mandara Ma didina, agi gologi tagi djivi ata yima agi mba kagi sariyad’ina, kayam mbut ira nga ata Ma didina Alo meina d’oze nga mi man sa yam ngol mamba d’oze nga mi ve bege d’a mbut ira abo sa d’uo mi.

1 Pierre 2:13

Ar agi gagi yagi kä ad’u vun ma hed’a hi sumina yam Salad’a, le namul ma ngol ma nga kad’eng nga kal teglesina,

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Nehemi 5:9

An dazi kua ala: Ahle suma agi lazi wana nga djivi d’i. Agi ndak käla agi lagi mandara Alo meina tala andjaf suma ding suma djangû meina a nguli d’uo d’a d’uo zu?

1 Sunda Hamuleinid’a 29:24

Nglo suma te yamba ki suma nglo suma dur ayîna kamulâ David groma pet a ge yazi kä ad’u amulâ Salomon.

Ad’u Tinda 16:9

Malaikana hi Ma didinina mi hulong dat ala: Ndak hulong gen salaka, ndak ge yak kä ad’ud’u.

2 Korente-na 5:11

Kayam ami suma nga lami mandara Salad’ina, ami nga halami suma ala a mbut huruziya. Wani Alona wami tetet; an wala agi wami kurugi woi tetet mi.