Efes-sâ 4:31 - Bible azumeina

³¹ Zla d’a aglara pet kayîna ki hur ma zala ki yalâ ki ngula, ar agi pad’azi woi pet adigagi zlapa kasa’ata pet mi.

Efes-sâ 4:31 Referans Kwoze

Kolos-sâ 3:8

Wani ki tchetchemba, agi aragi ahle ndazina woi pet, nala, ayîna, hur ma zala, ngangata, ngula ki zla d’a de d’a ndjendje d’a ndavunagid’a mi.

Ma tchi wala 7:9

Ar ang mbut ayîna atogo d’i, kayam sama lilid’a mi mbut ayîna atogo.

1 Pierre 2:1

Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.

Jacques 1:19

B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,

Kolos-sâ 3:19

Agi andjuveina, agi lagi yam amiyôgina, agi djozi ki zlad’a d’i.

Jacques 3:14

Wani le yungôr ma tchona ki huneîd’a a nga kurugiya ni, ar agi suburugi tagi yam gagazid’a d’i, agi kagi zlad’a kat tuo mi.

Efes-sâ 4:26

Le hurugi zala ni, agi lagi tchod’a d’i. Ar afata nigigi kayî magi ma djulula d’i.

1 Jean 3:12

Ar ei lei d’igi Kain na d’i. Mam mi ma hi Ma tchonina, mi tchi wiyema. Mi tchumî yam me ge? Kayam sun nda Kain mi lata ni tchod’a, wani sun nda wiyema mi lata ni d’ingêr.

Sawal la giled’a 101:5

Sama mi ka hula yam ndromina, an mba ni bam mbeyo; suma a nga fo avilid’a mi ndrozinina, an mba ni arazi woyo.

Jacques 4:11

B’oziyona, ar agi dagi zla d’a tchod’a yam tagi d’i. Le sana mi de zla d’a tchod’a yam wiyema d’oze mi ka sariyad’a kamu ni, mi ka’î djangûna ki gata, mi ka ni sariyad’a yam gata mi. Le angî sama ka sariyad’a yam gatina ni, angî sama nga mi tit yam gatina d’i, wani angî ma ka sariyad’a katna.

Zla d’a d’ogolâ 26:20

Le aguna mi nga d’uo ni, akud’a ti mit teyo; ata yima sama gigined’a mi nga d’uo na, huneîd’a ti nga d’uo mi.

Wana ni mbaktum mba Paul mi b’irit mi Tit-ta 1:7

Mbeî ma gol Toka ni ma bei zlad’a kama, kayam mam mi sama ngom ahlena hAlonina. Ni ma bei subur tama, ni ma bei mbut ayîna atogo na, ni ma bei gurut ki süma, ni ma bei to sana, ni ma bei le d’od’oka á fe mbiyo ma mbut ira ba na.

1 Timote 3:11

Hina mi, aropma a ka’î suma d’engzengâ, suma bei kad’u suma, suma a ve tazi ngingringâ, suma iratna kur ahlena pet mi.

2 Korente-na 12:20

An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.

1 Korente-na 14:20

B’oziyona, ar agi djib’eregi d’igi gugureina na d’i. Ar agi kagagi ni d’igi gugureina na yam tchod’a, wani ar agi djib’eregi ni d’igi suma a djengâ na.

Zla d’a d’ogolâ 29:22

Sama ayîna heîna nga mi djiu huneîd’a akulo, sama hurum zal atogo heîna nga mi le tchod’a ngola mi.

Zla d’a d’ogolâ 14:17

Sama mi mbut ayîna atogo zaza’â mi le ni sun nda lilid’a, sama nga mi djib’er djib’er ra tchod’ina suma a nga noyôm mi.

Zla d’a d’ogolâ 10:18

Sama nga mi ve sana kurum gumuna ni sama ka zlad’a, wani sama lilid’a nga mi tchuk zla d’a aboina yam ndrama aduk suma.

Zla d’a d’ogolâ 10:12

D’ugura nga d’i tchol ki huneîd’a aduk suma, wani od’a nga d’i zlup yam tcho d’a lara ge pet mi.

1 Timote 5:13

Wani azi hat nazulomba, a tit navun azina avun azina. Azi nga hat nazulomba hol li, wani a mbut ni suma tchibet zlad’a ki mbut ira. Azi de nahle suma ndak á ded’a d’uo na.

Galat-na 5:20

tuwal fileina, ve kumana, noî tad’a, yalâ, yungôra, ayîna, tuguyod’a, wala, ka ira,

1 Korente-na 5:8

Kayam ndata, ar ei lei vun til meina ni kavungô ma bei anguf fa adjeud’a, bei anguf fa tchod’a, bei mizeuna mi, wani ei lumî kavungô ma bei angufa kavungô ma yed’et ma gagazina.

Romê-na 3:14

zla d’a ndeï avunazid’a nahle suma yid’a ki ngul la tchod’a.

Zla d’a d’ogolâ 25:23

Ni simet ma abo ma norîna ba, nga mi mba kalo ma sed’a. Hina mi, sama nga mi de zlad’a gumun kä na, nga mi zal hur suma mi.

Zla d’a d’ogolâ 18:8

Zla d’a ndavun sama gigined’id’a, ti ni d’igi ambla d’a mbulâ na, ti kal kur sana gak ti i kur bibiriyamu.

Zla d’a d’ogolâ 6:19

glangâs ma aboi ma de zla d’a kad’ina, ma tchuk b’oziyoma huneîd’a aduk tazina.

Sawal la giled’a 140:11

Ar gordjona mi tchuk kaziya, ar a tchuguzi aduk akud’a, ar a tchuguzi kur zul la yiyik ka azi ndak á buzuk kei kur ruo d’a.

Sawal la giled’a 64:3

Ang prud’un ndei abo zla d’a ndjak vuna hi suma asa’atnid’a, abo suma a ndjak vunazi kana ki suma batrangâ mi.

Sawal la giled’a 50:20

Ang nga min tang á de zla d’a tchod’a yam wiyengâ, ang nga las wiyeng ma asungâ tamba.

Sawal la giled’a 15:3

Ni sama nga mi de zla d’a kad’a d’uo na, ni sama nga mi le ndram tcho d’uo na, ni sama nga mi ngul ndram ma azina d’uo na mi.

2 Samuel 19:27

Wani mi tchugun zlad’a kan an azong mangâ avorong ang salana amul mana. Wani ang salana, amul mana, angî d’igi malaikana hAlonina na. Ang le vama nde irang á led’ina.

Ad’u Tinda 37:4

Kid’a b’oziyoma a we d’ala abuzi mi le kam kalazi ped’u d’a, a vum kuruziya, a nga dum zla d’a djivi d’i.

Ad’u Tinda 27:41

Esau mi ve Jakob kurum kayam b’e vun ma abum mi b’amzi kama, mi de kurum ala: Bur ma matna habuna mi ar go; kur bur máma, an mba ni tchi wiyena Jakob.

Ad’u Tinda 4:8

Kain mi de mi Abel ala: Ei i abageya. Kid’a azi mbaza abageid’a, Kain mi nde yam wiyema Abel, mi tchumu.

Vama ndum mbeina 12:10

Bugola, an hum del la ad’eng nga ti tcholï akulod’a, ti dan ala: Ki tchetchemba, suta kad’enga ki leud’a hAlo meinid’a kad’enga hi Christ mamid’a a mba wa, kayam ma tchuk zlad’a yam b’oziyoina avok Alo meina andjege ki faleina, a gumïya wa kä woi yam andagad’a da’.

1 Jean 3:15

Nge nge pî ma nga mi noî wiyemina, ni ma tchi matna. Agi wagi ala nge nge pî ma tchi matna, ari d’a didinda nga kurum mbi.

Wana ni mbaktum mba Paul mi b’irit mi Tit-ta 2:3

Hina mi, ang de marop momorogeina a ka’î d’igi arop suma yed’etna na, a kad’u sa d’i, a gurut ki süma d’uo mi. Ang arazi a hat ni hat ta djivid’a,

2 Timote 2:23

Wani ang noî djop pa lilid’a woyo. Ang we ni djop pa lilid’a ba, nga d’i mba ki yalâ.

1 Timote 3:3

Ni ma bei gurut ki süma, ni ma bei to sana, ni ma halasâ, ni ma bei le huneîd’a, ni ma bei le yam beged’ina mi.

Sunda hi suma a sunuzinid’a 21:30

Suma hur azì ma ngolîna pet a tum akulo, a ringîya, a ve Paul, a tanam mbei abu kur gong nga kud’ora hAlonid’a. Ata yi máma na wat, a duk vun gong nga kud’ora hAlonid’a.

Jeremi 6:28

Jeremi mi dala: Azi pet ni suma bei hum vuna ba na, azi ni suma las suma. Azi ni d’igi kawei ma hleuna ki ma wurana na, azi pet ni suma a b’lak keina.

Zla d’a d’ogolâ 29:9

Le sama ned’a mi kal ki sama lilid’a ata yima ka sariyad’a ni, le mi de ni zla d’a ayîna d’oze zla d’a sanda pî, zla ndata mba d’i dap pi.

Zla d’a d’ogolâ 19:12

Ayîna hamulîna mi ni d’igi tchina hazlonina na, wani djivi mamba ni d’igi mbad’ï d’a ata asunid’a na.

2 Samuel 19:43

Israel-lâ a de mi suma Juda-na ala: Amulâ David ni mamina kalagi agiya, kayam mam naduk andjaf mami ma dogona. Ni kayam me ba, agi golomi is ke? Ni ami ba, dami avok yam zla d’a ala: Ei hulongî amulâ avo d’a d’uo zu? Wani suma Juda-na a de zlad’a ki hur ma zala kal Israel-lâ.

2 Samuel 13:22

Apsalom mi de nga zla tu mi Amnon ndi, wani mi vum kurum ngola kayam mi b’lagam wiyemba Tamar.

Ad’u Tinda 37:21

Ruben mi hum zla mazid’a, mi min á prud’um aboziya, mi dazi ala: Ei tchum mbi.

2 Timote 3:3

Azi ni suma asa’atna, suma bei we hohowa sumina, suma kad’ud’a, suma bei ve tazina, suma murud’umba, suma a kak djangûna ki djivid’ina.

Jeremi 9:4

Agi pet, nge nge pî mi gol tam djivi ki ndram mazina, agi tinigi hurugi yam wiyegi ma ding ngi, kayam b’oziyogina pet ni suma ka zlad’a, ndrogina pet ni suma a nga las sumina.

Sawal la giled’a 37:8

Ang ar ayîna woyo, ang ar hur mang ma akuna woyo, ang ar hurung zal li, ahle ndazina a ni tchod’a.

Efes-sâ 4:22

Kayam ndata, ar agi fogogi sama adjeuna woi ki sun mam mba led’a. Sama nga kurugi adjeuna, ni ma nga mi lobogi á igi kur b’lakina.

Efes-sâ 4:25

Kayam ndata, agi aragi zla d’a kad’a woyo, wani ar sama lara pî mi de ni zla d’a gagazid’a mi ndrama, kayam ei ni hliu ma tuna.