Efes-sâ 4:22 - Bible azumeina

²² Kayam ndata, ar agi fogogi sama adjeuna woi ki sun mam mba led’a. Sama nga kurugi adjeuna, ni ma nga mi lobogi á igi kur b’lakina.

Efes-sâ 4:22 Referans Kwoze

Romê-na 6:6

Kayam ei wei ala sa mei ma adjeuna a b’alam wa akulo ata aguna zlapa ki Christ á b’lak ad’enga hi hliwi ma tchona woyo. Hina, ei lei magomba mi tchod’a d’uo d’a.

Hebre-na 12:1

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.

Jacques 1:21

Kayam ndata, agi aragi ahle suma ndjendjed’a ki sun nda tchod’a pet teyo. Agi vagi zla d’a Alona d’a a zaragizi kurugid’a ki lulumad’a, ni d’a ndak á sud’ugid’a.

Hebre-na 3:13

Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Efes-sâ 4:25

Kayam ndata, agi aragi zla d’a kad’a woyo, wani ar sama lara pî mi de ni zla d’a gagazid’a mi ndrama, kayam ei ni hliu ma tuna.

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

2 Pierre 2:13

Wani Alona mba mi wuragazi ki ndak ka azi lat mi suma hiunid’a. A nga le furîd’a kur djib’er mazi d’a tchod’a falei d’ad’ar ata yima azi nga te te magina ki furîd’a ki lop ir mazid’ina. Azi ni vama zulona ki vama dap asema mi.

1 Pierre 1:18

Kayam agi wagi ala a wurak kagi ni ki vama b’lak kei ma d’igi kawei ma hapma d’oze lora d’oze sun nda hawa yaka d’igi vama djo ma abuyogi ngolo a hagizina na d’i.

Kolos-sâ 2:11

A ngad’agi bayâgid’a á tinigi zlapa tu ki Christ. Nga ni bayâ d’a suma a ngad’ata d’i, wani ni ngat ta Christ mi ngad’agizid’a. Mi pad’agi woi kur ad’enga hi djib’er magi d’a tchod’id’a.

Zla d’a d’ogolâ 11:18

Sama asa’atna mi fe ni mbiyo ma mbut ira, wani sama nga mi zar d’ingêrîna, mi fe ni wurak ka gagazid’a.

Wana ni mbaktumba hi Job-pa 22:23

Le ang hulongî gen Ma ad’engêm kal petna, le ang wal tchod’a woi ki zlub’u manga deyu ni, ang mba hulong ata yang ma avo’â.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

Abdiyas 1:3

Yam mba ad’eng magid’a ti vid’igi wa woyo. Agi suma nga kak aduk ahuniyôna ata yima sana ndak á lagi va kua d’uo na, agi nga dagi ala: Ni nge ba, mba mi digimi woi kua ge?

2 Pierre 2:7

Wani mi pat Lot ma d’ingêr ma hurum b’lak yam gaulangâ hi suma tchonina woyo.

Jeremi 49:16

Mbut ta agi nga mbud’ugi suma mandarîd’a ki subur ta magi d’a kurugid’a ti vid’igi wa woi da’. Agi suma nga kaka kur zul la ahuniyôna suma nga lagi sunda akulo yam yima ndingîna, le agi minigi aziyagi sä akulo dei d’igi ma hi b’arunina na pî, an mba ni tchugugi kä! An Ma didina ni de na.

Galat-na 1:13

Kayam agi humugi zla tit manda adjeu kur zlad’a hi Juif-fîd’a. Agi wagi ala an djop vun Toka hAlonid’a heî, an pleyêt tei mi.

1 Samuel 1:14

Eli mi dat ala: Ndak gurut ki süma hina gagak ini lara ge? Ndak ar gurut mak ndata woyo!

Romê-na 7:11

Ni kayam vun ma hed’a ba, tchod’a ti fe lovota á lobonu. Ni yam vun ma he máma ba, tchod’a ti tchan ndei mi.

Jacques 1:26

Le sama ding djib’er ala mam he gagazid’a yam Alona, wani le nga mi ngom sinam mbuo ni, mi lop mi tamu, he gagazi mam mba yam Alonid’a ni hawa.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

Efes-sâ 4:31

Zla d’a aglara pet kayîna ki hur ma zala ki yalâ ki ngula, ar agi pad’azi woi pet adigagi zlapa kasa’ata pet mi.