Efes-sâ 4:12 - Bible azumeina

¹² Mi le na á mbut suma hAlonina memet á le sunda, á wul hliu tad’a hi Christ-sa akulo kur he gagazid’a,

Efes-sâ 4:12 Referans Kwoze

Efes-sâ 4:16

Yam ad’enga hi Christ-sa, ir hliu tad’a pet nga d’i djak zlapa, sidei ma lara ge pet nga mi djik hliu tad’a pet zlapa mi. Hina, le ir hliu ta d’a lara ge pet nga d’i le sun mata ni, hliu ta ndata pet nga d’i wul akulo, nga d’i min tat akulo kur od’a mi.

1 Korente-na 12:27

Agi pet ni hliu tad’a hi Christ-sa, nge nge pî ni ir hliu ta ndata.

Romê-na 15:14

B’oziyona, an tanda ni we woi tetet ala agi ni suma djivina, agi wagi ad’u ahlena pet, agi ndak á had’agi tagi mi.

1 Korente-na 14:26

B’oziyona, ei dei nana ge? Ata yima agi nga tokina, sama dingâ nga mi hle sawala, ma dingâ nga mi hat suma, ma dingâ nga mi nde ad’u ahlena abu mi, ma dingâ nga mi de zlad’a ki vuna hi suma tetengâ, ma dingâ nga mi väd’u zla ndata woi abua. Ar agi lagi ahlena pet á ndjun Toka á wulut akulo kur he gagazid’a.

Romê-na 14:19

Kayam ndata, ar ei halei ahle suma a nga mba ki b’leng nga halasa suma a nga minï akulo kur he gagazid’ina.

1 Timote 1:12

An nga ni le mersi mi Saleina Jesus Christ mam ma han ad’enga. Mi wan ala an ni ma d’engzengâ, mi tinin kur sun mamba mi.

1 Korente-na 14:12

Agi ni hina mi. Kayam agi nga halagi he d’a hawa d’a Muzu’â hAlonina mi heizid’a, ar agi b’ad’agi tagi á wulugi Toka akulo kur he gagazid’a.

Hebre-na 13:17

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

Hebre-na 6:1

Kayam ndata, ei arei hat ta adjeu d’a yam Christ-sa woi blogeya, ei i avogovok kur hat mamba, ei mbud’i suma ndak memetna mi. Ei dok tini ad’ud’a yei á mbàd’a yam mbut hurâ yam sun nda hawa yaka ki he gagazi d’a yam Alonid’a,

2 Korente-na 6:3

Kayam ndata, ami nga lami vama dap asem sa tala suma a de zla d’a tchod’a yam sun mamid’a d’uo d’a.

2 Korente-na 5:18

Ahle ndazina pet a tcholï nata Alona, mam ma mi zlabei darigïd’a ki mam yam Christ-sâ, mi hami sunda á zlap suma dingâ darigïd’a ki mam mi.

Wana ni Zla d’a Djivi d’a Luc mi b’irita 22:32

wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

2 Timote 4:5

Wani ang gol tang djivi kur ahlena pet, ang ve tang kur djop vuna, ang tchi wal Zla d’a Djivid’a, ang ndak vun sun nda Alona mi hangzid’a memet mi.

Kolos-sâ 4:17

Agi dagi mi Arkip ala: Ang gol tang djiviya, ang ndak vun sun nda Salad’a mi hangzid’a memet.

Kolos-sâ 1:28

Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

Efes-sâ 1:23

Tok ndata ni hliwimu; ni kat ba, Christ mi ndak memet, mi ndak vun ahlena memet mi.

2 Korente-na 12:19

Gak ini agi nga djib’eregi ala ami halami ná pad’ami zlad’a woi kami avorogiya zu? Nga na d’i! Ami dami yam minda hi Christ-sa avok Alona. Buniyômi suma od’a, ami lami hina pet á wulugi akulo kur he gagazid’a.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

2 Korente-na 3:8

sunda hi Muzu’â hAloninid’a nga d’i nde ki subura kalat tuo zu?

1 Korente-na 14:14

Wani le an nga ni tchen Alona ki vun ma tetengâ ni, ni muzugan ba, nga mi tchena, wani djib’er manda nga kua d’i.

Romê-na 15:29

An wala fata an iza hatagid’a, an mba ni fagi ki b’e vuna hi Christ-sâ kagiya.

Romê-na 15:2

Ar nge nge pî adigei mi hal ni vama mi le ndrama tam djivid’a á wulum akulo kur he gagazid’ina.

Romê-na 12:7

Le ma dingâ mi nga ki he d’a hawad’a á le sunda mi Toka ni, ar mi lad’u. Le sana mi nga ki he d’a hawad’a á hat suma ni, ar mi had’aziya.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Sunda hi suma a sunuzinid’a 1:25

kayam mi vrak balum sun nda Judas mi arat tei mi i ata yi mamid’a.

Sunda hi suma a sunuzinid’a 1:17

Ni ma adjeu a ndumum ki sed’eina, mi fe wa b’rau mamba kur sun ndata mi.

2 Timote 4:11

Ni Luc tu ba, ar nga ki sed’enu. Ang ve Marik, mbeï ki sed’emu, kayam mam ndak á ndjunun kur sun manda.

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Efes-sâ 4:4

Agi wagi ala hliu tad’a ni tu, Muzu’â hAlonina ni tu mi, d’igi Alona mi yagi á tinigi hurugi yam vama tuna na mi.

2 Korente-na 13:9

Le ami namangeîd’a, le agi nga kad’enga ni, ami nga lami furîd’a kayam ndata. Ami nga tchenemi Alona kagi ala agi ndagagi memet.

1 Korente-na 12:7

Muzu’â hAlonina nga mi tak nge nge pî he d’a hawa mamba á le sun nda djivid’a mi suma toka pet.

Romê-na 12:5

Ei ni hina mi. Le ei nablaud’a pî, ei ni hliu ma tuna zlapa tu ki Christ. Ei pet zlabei ata tei tu d’igi ir hliuna teteng kur hliu ma tuna na mi.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.