Efes-sâ 2:1 - Bible azumeina

¹ Adjeu agi ni suma bogi woi yam tchila magid’a, yam tcho magid’ina mi.

Efes-sâ 2:1 Referans Kwoze

Kolos-sâ 2:13

Adjeu agi ni suma bogi woi kur tcho magid’ina, agi nandjaf suma bei wAlona suma bei ngat bayâd’ina. Wani ki tchetchemba, Alona mi mbud’ugi suma arina zlapa tu ki Christ, hurum vat tei yam tcho meid’a mi.

Romê-na 8:2

Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi.

Efes-sâ 4:18

Djib’er mazid’a ti mbut nduvunda, azi wal lei dei kari d’a Alona mi hat mi sumid’a, yam vit mazid’a, yam hur mazi ma b’ala mi.

Jean 5:21

D’igi Abun nga mi tchol suma matna akulo nga mi hazi arid’a na, an Goroma nga ni harid’a mi suma an minizina hina mi.

1 Jean 3:14

Ei weya, ei buzugi wa woi kur matna, ei kalei wa kur arid’a. Ei weizi ni kayam me ei nga lei yam b’oziyoina. Sama nga mi le od’a d’uo na, mi nga ni kur matna tua.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

1 Timote 5:6

Wani atcha d’a modono d’a nga d’i tit yam min matid’a, le ti nga karid’a pî, ti ni matna.

Jean 5:25

Gagazi, an nga ni dagiya, yina nga mi mba, ki tchetchemba mi mba wa, ata yi máma, suma matna a mba hum del an Alona Goroma; azi suma a huma, a mba kak karid’a mi.

1 Korente-na 15:45

Kayam mbaktumba hAlonid’a ti dala: Adam mi sama avo’â, Alona mi mbud’um sama arina, wani Adam ma danana ni Muzuk ma mi he arid’a mi sumina.

Jean 10:10

Ma kula mi mba ná kula, ná tchi matna, ná b’lak ahlena mi. An mba ni kayam azi fe arid’a, a fat kam kua kam kua.

Vama ndum mbeina 3:1

Ang b’ir mbaktumba mi malaika ma nga yam Tok ka Sardes-sina. Wana nahle suma ma nga ki muzu’â hAlonina kid’iziya ki tchitchiud’a kid’iziya aboma mi dazina: An wahlena pet suma ang nga lazina, an we simiyêng nga mi yi d’igi sama arina na, wani angî matna.

Wana ni Zla d’a Djivi d’a Luc mi b’irita 15:32

Wani djivid’a ei lei furîd’a, ei kagei ki furîd’a, kayam wiyeng ma d’igi mit tei na na, mi zlit wa; mi vit teyo, an fum wa da’.

Wana ni Zla d’a Djivi d’a Luc mi b’irita 15:24

Kayam goron ma d’igi mi mit ni woi na na, mi zlit wa; mi vit teyo, an fum wa da’. A nde á le furîd’a.

Matiye 8:22

Wani Jesus mi hulong dum ala: Ang mbeï ad’unu, ar suma matna a tos mat mazina.

2 Korente-na 5:14

Kayam od’a hi Christ-sa ti te kamiya. Gagazi, ami wami tetet ala sana tu mi mit wa yam suma pet. Kayam ndata, suma pet a bo wa zlapa ki mam mi.

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.