Daniel 8:16 - Bible azumeina

¹⁶ An hum del sana kur alum ma Ulai-na, mi er ad’um akulo ala: Gabriel, ang tagam ad’u vama nde tam mbei iram máma.

Daniel 8:16 Referans Kwoze

Wana ni Zla d’a Djivi d’a Luc mi b’irita 1:26

Kur til ma karagayana, Alona mi sunï malaikana Gabriel kur azì ma ngol ma Galile ma a yum ala Nazarat na.

Wana ni Zla d’a Djivi d’a Luc mi b’irita 1:19

Wani malaikana mi hulong dum ala: An ni Gabriel ma nga tchola avok Alona á lum sundina. Mi sununï á dang zlad’a, á mbang zla d’a djivi ndata mi.

Daniel 8:2

Vama an wum ata yima vana nde tam mbei irana ba wana: Kid’a an nga ni gol vama nde tam mbei irana tua d’a, an gol wani, an navo Sus kur azì ma ngol ma kur andaga d’a Elam-mbina, ata yima an nga ni gol vama nde tam mbei irana tua na. Gol wani, an navun alum ma Ulai-na.

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Sunda hi suma a sunuzinid’a 10:13

Dela ti dum ala: Pierre, ang tchol akulo, ang ngat ang mud’a.

Sunda hi suma a sunuzinid’a 9:7

Suma a nga tit ki sed’ema a nga tchola mudjuk, a hum dela, wani a we nga sa d’i.

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Zakari 1:9

An djobom ala: Salana, akulumei ndazina ni me ge? Malaika ma Ma didina mi hum vuna á dan zlad’ina mi dan ala: An mba ni vang ad’ud’a kaziya.

Daniel 10:21

Wani an nga dang vama a b’irim kä kur mbaktum mba gagazid’ina. Sama mi ndjunun á dur ki suma djangû ndazinina nga d’i, ni ma ngol magina Michel hol.

Daniel 10:14

Ki tchetchemba, an mba nala ang wäd’u ahle suma a nga mba yam sum mangâ kur atchogoi d’a nga d’i mbad’ina d’a. Kayam vama nde tam mbei irang máma mi de zlad’a yam vama nga mi mbana.

Vama ndum mbeina 1:12

An mbut iran á gol sama nga mi dan zlad’ina. Ata yi máma, an we agu ma tin lalam mba lora kama kid’iziya.

Daniel 7:16

An hut go gen ma ding ma nga ata yi mámina, an djobom ala mi van ad’u gagazid’a hahle ndazinid’a pet go ge. Mi van ad’u ahle ndazina, mi dan ala: