Biblia Todo Logo
Bib sou entènèt

- Piblisite -




Daniel 6:8 - Bible azumeina

8 Ki tchetchemba, amulâ, ar ang tin gat ndata, ar ang tin abong kua tala ti ka’î gat ta bei sa mi ndak á mbud’ut kä ba d’a d’igi gata hi suma Mede-nid’a ki d’a hi suma Perse-na na d’a.

Gade chapit la Kopi




Daniel 6:8
11 Referans Kwoze  

Wani suma djangûna hi Daniel-lâ a hulong gen amulâ ki siwela gandjau, a dum ala: Amulâ, ang wala gata hi suma Mede-nid’a ki d’a hi suma Perse-nid’a ti min ala gat ta lara ta amulâ mi tinit mi tin abom kuad’a, ti ka’î gat ta bei mbud’ut kä ba d’a.


Le ang mina ni, ang tin gat ta bei mbud’ut kä ba d’a, ang b’irit kur gata hi suma Perse-nid’a ki d’a hi suma Mede-nid’a tala ar amula Vasti ti tchila ei avorong nguo d’a, ang hamul mata woi mi ndrat ta kalata.


Bugola, a i gen amulâ kua, a dum zlad’a yam gat ta amula, a dum ala: Amulâ, ang tin abong kur gata ala kur bur ma dok hindina sama lara ma mi tchen va ata alona d’oze ata sama dingâ bei mi tcheneng ang amulâ ba na, a gum kur zula hazlonid’a d’uo zu? Amulâ mi hulong mi dazi ala: Gagazi, d’igi gata hi suma Mede-nid’a ki d’a hi suma Perse-nid’a de na, sama ndak á mbud’ut kä na nga d’i!


Ni zla d’a hohoud’a yam suma a nga he vun ma ata yam mbuo na, yam suma a nga tin gat ta d’ingêr ruo d’a


A b’irit ni ki simiyê amulâ Asuwerus, a tin tampong mama kat mi, a sunut ni kakulumei suma a djang heîna hamulîna.


Kur bur ma dogo yam hindina hi til ma avo’îna, a yï suma b’ir mbaktum suma kur leu mambina. A b’ir mbaktumba ni ki vun ma hed’a hi Haman-na mi suma nglona hamulîna ki suma te yam suma kur ambas sa lara ge, mi suma nglo suma kal tegles suma lara ge, kur ambas sa lara ge pet. A b’irit mi nge nge pî ki b’ir mamba ki vun mam ma ded’a. A b’irit ni ki simiyê amulâ Asuwerus, a tum tampong mama kua mi.


Ki tchetchemba, agi b’irigi mbaktumba yam zla d’a djivid’a d’igi hurugi min na yam Juif-fâ ki simiyênu, agi tinigi tampong mana kua mi, kayam mbaktum mba a b’irit ki simiyê amulâ a tum tampong mama kat mi d’a, sa nga mi pleyêt tei d’i.


Ester ti hulong de zlad’a mamulâ, ti ge tat kä avoromu, nga d’i tchi ki simina irat ala mi wat hohowot mi d’el murud’umba hi Haman ma Aga’îd’a ki nga hur mam ma mi ngam yam Juif-fâ á tchid’ina mi.


Akulod’a kandagad’a a mba kal leyo, wani zla manda mba d’i kal lei d’i.


PERES ad’ut nala Wala: Leu manga a walat kä mbà á he abo tu mi suma Mede-na, abo tu mi suma Perse-na mi.


Azi nga tok tazi á kak djangûna ki suma d’ingêrâ, azi nga ka sariya d’a matna yam suma bei zlad’a kazi ba na.


Swiv nou:

Piblisite


Piblisite