Daniel 6:4 - Bible azumeina

⁴ Kayam ndata, ndrom suma sunda ki satrap-ma a nga hal lovota á tchugum zlad’a kam yam sun nda le d’a kur leud’id’a. Wani azi fe nga yina d’oze tchod’a atam tu d’i, kayam mam mi ma d’engzeng ma a fe nga va kam mbuo ma a fe nga vama tcho atam mbuo mi na.

Daniel 6:4 Referans Kwoze

1 Pierre 3:16

wani agi dagizi ni ki lulumad’a ki ge yam mba kä d’a. Agi kagagi ki djib’er ra djivid’a kurugiya, kayam suma a nga de zla d’a tchod’a kagi yam tit magi d’a djivid’a yam Christ-sina, zulona mi laziya.

Filip-ma 2:15

kayam agi kagagi suma yed’etna bei zlad’a kagi ba Alona grom suma bei ndjendjed’a aduk suma tcho suma gun suma kur atchogoi d’a wandina. Ar agi kagagi adigazi d’igi b’od’a na kur duniyad’a

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.

Wana ni Zla d’a Djivi d’a Luc mi b’irita 20:20

Kayam ndata, azi nga tchiged’emu, a tchuk led’et suma a nga golozi d’igi suma d’ingêrâ na na á vum ki zla d’a avunamba á hum abo suma te yamba, á ka sariyad’a kam mi.

Wana ni mbaktum mba Paul mi b’irit mi Tit-ta 2:8

Ang de ni zla d’a irata bei sana mi vang ki zla d’a bad’a, kayam mang suma djangûna a mbut zulona tala a de zla d’a tchod’a kei d’uo d’a.

Matiye 27:18

Kayam mi we tcha ala ni yam yungôra ba, a hum ki Jesus wana.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

1 Timote 5:14

Kayam ndata, an min ala arop suma modono suma awâna a vik andjofâ, a vut grona, a ngom aziyazi mi, kayam a ar lovota mi mei suma djangûna á de zla d’a tchod’a kei d’i.

Ma tchi wala 4:4

An we sun nda suma a nga lat ki ndak ka a nga he tazi kata, nala, nge nge pî mi lat ná kal ndrama. Wan pî, ni hawa hina yak d’igi sana mi dik simetna na.

Zla d’a d’ogolâ 29:27

Sama tchona mi ni vama ndjendjed’a ir sama d’ingêrâ, sama d’ingêrâ mi ni vama ndjendjed’a ir sama tchona mi.

Suma ka sariyad’a 14:4

Abum azi kasum a we nga d’ala ni Ma didina ba, mi lahle ndazina d’a d’i. Kayam Samson mi halî lovota á tchol huneîd’a ki suma Filistê-na. Kur atchogoi ndata suma Filistê-na a nga te yam Israel-lâ.

Ad’u Tinda 43:18

Kid’a azi kal avod’a, a le mandarâ, a de tazi ala: Ni kayam bege d’a ei fat fata kur bud’omei meina kid’a ei mbei avoka ba, azi kalei ka hî ná lei tchod’a, a mba yoi ki koro meina, a mba lei magomba.

2 Korente-na 11:12

Wani ahle suma an lazina, an nga ni lazi avogovogo, kayam ni d’el suma a nga nga tazi ki ami kur ahle suma azi nga subur tazi kazina.

Jean 19:4

Pilat mi hulong ndabu kua, mi dazi ala: Agi gologiya! An mbagizi woi abu wana, kayam agi wagi ala an fe nga zla kam mbi.

Wana ni Zla d’a Djivi d’a Luc mi b’irita 22:2

Nglo suma ngat buzuna azi ki suma hat gata a nga hal lovota á tchi Jesus, wani a nga le mandara suma.

Matiye 26:4

A ndjak vunazi yam Jesus ni nana ba, azi vum ki lemba á tchum mbei ge?

Daniel 3:8

Ata yi máma atogo hina zak suma hiu suma Babilon-na a hut gen amulâ, a tchuk zlad’a yam Juif-fâ.

Jeremi 18:23

Wani Ma didina, ang we ndjak vun mazi ma a ndjagam kan á tchana pet. Ar ang vat hurung ngei yam tchila mazid’a d’i, ar ang has tcho mazid’a woi avorong ngi. Ar azi puka avorongû, ar hurung zal kaziya.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

1 Samuel 22:14

Ahimelek mi hulong de mamulâ ala: Ni nge ba, aduk azungeî mangâ pet, ni ma d’engzengâ d’igi akunongâ David na ge? Ni ma ge yam kä ad’u gat manga, a nga hum ngola avo hatangâ mi.

1 Samuel 18:14

David sun mam mba nga mi lata nga d’i labom djivid’a, Ma didina mi nga ki sed’em mi.

Wana ni Zla d’a Djivi d’a Luc mi b’irita 20:26

Azi ndak á vum ki zlad’a avok suma d’i, wani a le atchap yam zla mam mba ded’a, a seng silil.

Jeremi 29:7

Agi halagi b’leng nga halasa yam azì ma an igi magomba kuana, agi tchenegi an Ma didina kamu. Le azì máma mi kak lafiya ni, agi mba kagagi ki halasa mi.

Daniel 6:22

Gagazi, Alo mana mi sunï malaika mama á duk vun azlona! Mi lan nga vama tcho d’i, kayam an le nga vama tcho avorom mbi, an le nga vama tcho avorong ang nguo mi.

Ad’u Tinda 41:38

Faron mi dazi ala: Ei ndak á fei sama nga ki Muzu’â hAlonina d’igi mam na na ko zu?

1 Samuel 12:4

Israel-lâ a hulong dum ala: Ang mbut nga ir sa d’i, ang le nga vama tcho mi sa d’i, ang ve nga he d’a hawad’a abo sa gumun á mbut ir sa d’uo mi.

Daniel 5:12

kayam Daniel ma amulâ yum ala Beltasar-râ mi nga ki muzuk ma kal tegles ma wad’ud’a ma wed’a kurumu. Mi ndak á vad’ud’a hadï d’a ded’a, hi zla d’a d’ogolâ, hi zla d’a mudurid’a woi mi. Ar ang yï Daniel máma. Mam mba mi vang ad’u zla ndata woyo.