Daniel 5:23 - Bible azumeina

²³ Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Daniel 5:23 Referans Kwoze

Wana ni mbaktumba hi Job-pa 12:10

Arid’a hahlenid’a pet nabomu, muzuka hi sumid’a pet nabom mi.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Jeremi 10:23

Jeremi mi dala: Ma didina, an we sana mi ndak á tit memet ti, mi nga kad’enga á tak tam á tit kur lovot ta djivid’a d’uo mi.

Isai 37:23

Ang ngulî nge? Ang kra’î nge? Ang er ad’ung akulo a lazî nge? Ang hle yang akulo ni yam nge? Ni an Alo ma tin tan irat vat yam Israel-lîna.

Isai 2:12

Ma didin ma ad’engêm kal petna mi pat nga burâ tu. Kur bur máma mam mba mi hulong yam sama lara ma mi le yam ad’engina d’oze ma mi subur tama d’oze ma mi hle yam akulona kä.

Jeremi 50:29

Agi yagï suma yeû suma a we yet yeûd’ina pet yam Babilon. Ar agi nguyugizi kä d’uhl, ar sa mi sut tu d’i. Agi wuragat yam sun mata, agi lagi d’igi ndat tat ti le hina mi, kayam ti subur tat avok Ma didina, avok Ma tin tam irat vat yam Israel-lîna mi.

Zla d’a d’ogolâ 20:24

Ni Ma didina ba, nga mi tak lovot ta tita mi sana. Sana ni nge ba, mi ndak á we lovot mamba ge?

Wana ni mbaktumba hi Job-pa 31:4

NAlona ba, nga mi golon lovot manda, mi nga mi ndumun asen ma tita mi d’uo zu?

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Isai 37:19

A tchuguzi alo mazina aduk akud’a, kayam mam nga nalo ma gagazina d’i, wani nahle suma a minizi kabozina, naguna kahinad’a. A b’lagazi woyo.

Sawal la giled’a 139:3

Ata yima an nga ni titna, ang nga wanu; ata yima an nga ni bur kä na, ang nga wan mi. Ang nga we lovot manda pet mi.

2 Amuleina 14:10

Jowas mi dum kua ala: Kayam ang kus yam suma Edom-ma, ang nga hle yang akulo, ang nga subur ki tang wana. Kayam ndata, ar ang kak avo hatangû! Ni kayam me ba, ang hal ayîna á mba ki ndaka kang á tchang zlapa ki suma Juda-na ge?

1 Timote 3:6

Ni ma mbut hurum awilina d’i, dam mba mi hle yam akulo, mi nde kur sariyad’a a kat yam Diable-d’a.

1 Korente-na 8:4

Hina, yam ted’a hahle suma a ngad’azi buzuna mi fileinina, ei wei ala: Fileina ni vama gagazi kur duniyad’a ka hî d’i, wani Alona ni tu go.

Sunda hi suma a sunuzinid’a 17:25

Nga mi min suma á ndjunum mbi, kayam nga mi kid’ak va d’i, kayam mam mi ma he arid’a mi sumina, mi hazi muzuka kahlena pet mi.

Habakuk 2:4

Zla d’a a b’irita ba wana: Sama subur tama mba mi kak karid’a tatâ d’i, wani sama d’ingêrâ mba mi kak karid’a, kayam mi he gagazid’a mAlona.

Ezekiyel 31:10

Ni kayam ndata ba, Ma didina mi dala: Mi wul fiyaka gak yam mbi do d’ugula, mi hle yam akulo yam fiyak mamba.

Ezekiyel 28:17

Kayam djif mangâ ang hle yang akulo, ang b’lak ne manga woi ki wile manga. An nga ni zud’ung kä andaga, an nga ni mbud’ung vama amuleina a golom isâ.

Ezekiyel 28:5

Yam we mang nga kal heîd’a ki mbut abo mangâ, ang tok ndjondjoîd’a ngola; yam ndjondjoî manga, ang hle yang akulo.

Ezekiyel 28:2

Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

Isai 33:10

Ma didina mi dala: Ki tchetchemba, an nga ni tchol akulo. Ki tchetchemba, an nga ni de zlad’a. Ki tchetchemba, an nga ni tak ngol manda woi mi.

Sawal la giled’a 146:4

Muzugazi nga mi iya, a nga hulong kä aduk andagad’a. Kur bur máma nga hur mazina mi dap pei mi.

Sawal la giled’a 115:16

Akulod’a nakulod’a hi Ma didinid’a, wani mi handagad’a ni mi suma.

Sawal la giled’a 104:29

Le ang mbud’uzi azigangû ni, azi mbut mandarâ; le ang d’el muzuk mazid’a ni, azi mba bo, azi hulong mbut nandaga d’a gugud’upa.

Suma ka sariyad’a 16:23

Wani bur tu amulei suma Filistê-na a tok tazi á hahle suma ngat buzuna malo mazina Dagon, a le furîd’a, a dala: Alo meina mi hei wa Samson mei ma djangûna aboya.

Ad’u Tinda 14:19

Mi b’e vunam yam Abram, mi dala: Alo ma sä akulo ma kal tegles ma lakulod’a kandagad’ina, mi b’e vunam kangû.

Ad’u Tinda 2:7

Ata yima Ma didina Alona mi min sana kandaga d’a gugud’upina, mi fom muzugam ma he arid’ina atchinamu, sa máma mi mbut sama arina.

Vama ndum mbeina 9:20

Ad’u suma a ar bei tchid’a abo ahle suma hindi ndazinina, a mbut nga huruzi yam ahle suma azi tazi lazina d’i. A ar nga bei kud’or muzuk ma tchona ki filei ma a lum ki lora ki ma kawei ma hapmina ki ma kawei ma hleuna kahinad’a kagunina d’i. Nahle suma ndak nga á wed’a d’oze á humba d’oze á tita d’uo na.

Isai 13:11

Ma didina mi dala: An mba ni ngop suma yam andagad’ina yam asa’at mazid’a, an mba ni ngop suma asa’atna yam tchila mazid’a, an mba ni hulong suma yam mba ad’enga yazi kä, an mba ni hulong suma subur tazi suma te yam suma kad’engina yazi kä mi.

Isai 14:13

Ang de kurung ala: An mba ni djak akulo, an mba ni tin zlam man nda amula akulo kal tchitchiu d’a hAlonid’a, an mba ni kak akulo yam ahina d’a abo ma norâ d’a alona mi tok kuad’a.

Jeremi 48:26

Agi gurud’ugi azì ma Mowap-ma woi ki süma kayam mi hle yam akulo avok Ma didina. Ar mi bulul kä aduk vin mama, ar mi mbut vama sanda hi sumina.

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

1 Samuel 17:36

Ni hina ba, an tchi azlona azi ki ursâ, an mba ni le ki ma Filistê ma bei ngat bayâ máma ni hina mi, kayam mam ngul b’ranga hAlo ma bei matnina.

Jeremi 50:28

Suma ring suma a sud’ï woi yam ambas sa Babilon-ndina, a nga de woi yam atchugul la sad’a hi Ma didina Alo meinid’a kur Siyon, natchugul la sa d’a yam gong mam mba kud’orid’a.

Daniel 8:11

Mi i gak mi nde ma ngolâ hi azigar suma akulona ayîna, mi d’el ahle mam suma ngat buzu suma burâ ki burîna, mi mbut gong mam mba kud’ora ndjendjed’a mi.

Daniel 11:12

Amul ma abo ma sutna mba mi hle yam akulo ngola yam kus ndata. Azigar suma ablau suma dudubu ndazina mam mba mi tchaziya. Hina pet pî, mam tam mba mi kus ayîna d’i.