Daniel 3:26 - Bible azumeina

²⁶ Nebukanezar mi hut avun für ra aku d’a hîhîka, mi er ad’um akulo ala: Sadrak, Mesak ki Aben-Nego, azungeî suma sunda hAlo ma kal papanina, agi buzugugï woi aduk akud’a, agi mbeyegïya! Atogo hina zak, azi ki zla tazi d’a hindid’a a buzugï woi aduk akud’a.

Daniel 3:26 Referans Kwoze

Daniel 3:17

Wani ami minimi ala ang wala Alo mami ma ami lum sundina, mi ndak á prud’umi woyo. Mba mi prud’umi woi abong aduk für ra aku d’a hîhîka mi!

Daniel 4:2

Tan lan djivid’a á gagi humagi yam ahle suma yoyouna kahle suma atchap suma Alo ma kal teglesâ mi lazi ki sed’ena.

Vama ndum mbeina 19:5

An hum dela ti tcholï ata yima zlam mba amula, ti dala: Agi azungeî mama pet suma lum mandaram suma nglona ki gugureina, agi gilegi Alo meina.

Galat-na 1:10

Na ni ki tchetchemba, an hal lovota á le suma tazi djivid’a d’oze á le Alona tam djivid’a zu? Na ni an hal lovota á le suma tazi djivid’a zu? Le an nga ni le suma tazi djivid’a tua ni, an nazongâ hi Christ-sâ d’i.

Sunda hi suma a sunuzinid’a 16:17

Ti nga d’i tit ad’umi ki Paul, ti er ad’ut akulo ala: Suma wana nazungeîna hAlo ma sä akulo ma kal teglesîna. Azi nga ni tchagi ni wal lovot ta igi kur sutid’a.

Daniel 2:47

Bugola, amulâ mi de mi Daniel ala: Gagazi, Alo mangâ nAlo ma kal alona petna, mam mi Salad’a hamuleina mi. Ni ma ndäd’u zla d’a mudurid’a woina. Kayam ndata, ang fad’enga, ang tagan ad’u zla d’a muduri ndata woi wana.

Isai 52:12

Agi b’ad’agi tagi á buzuka d’i, agi buzugugi woi ki ringâ d’uo mi, kayam Ma didina mi nga avorogiya, Alona hi Israel-lîna mba mi kak ndjola blogogi mi.

Josue 4:10

Suma ngat buzu suma a nga zi zandu’îna, a nga tchola hur alum ma Jurdê-na baba gak a lahlena pet suma Ma didina mi he vuna kazi mi Josue á dazi mi sumina d’igi Moise mi de mi Josue na mi. Israel-lâ a nde b’at tazi á djak aluma.

Josue 3:17

Suma ngat buzu suma a nga zi zandu’â hi Ma didinina a nga tchola hur alum ma Jurdê-na asezi sod’a tching tching. Israel-lâ pet a nga djak aluma kasezi sod’a, gak a dap djaka woi pet mi.

Sunda hi suma a sunuzinid’a 16:37

Wani Paul mi dazi ala: A tomi woi ir suma pet bei ka sariyad’a kamiya, ami suma ala ni Romê-na na. Wani ki tchetchemba, azi min tchugumi akulo ki ngeid’a? Nga na d’i! Ar azi tazid’a a mba a tchugumi akulo.

Daniel 6:20

Kid’a mi mba go avun zulid’a, mi yi Daniel ki hur ma hata, mi dum ala: Daniel, azongâ hAlo ma bei matna ba na, Alo mang ma ang nga lum sunda ki ve tad’ina, mi ndak á prud’ung nga woi avun azlona d’uo zu?

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Esdras 5:11

Wana ni hum mba azi hulongômizid’a: A dami ala: Ami nazungeîna hAlo ma lakulod’a kandagad’ina, ami nga hulong minimi gong nga kud’or ra amul ma ngolâ hi Israel-lîna mi minit adjeu mi dabat bizat kal ngolid’a akulo.

Ad’u Tinda 14:18

Melkisedek amul ma Salem-ma ni ma ngat buzuna mAlo ma sä akulo ma kal teglesîna. Mi mba, mi havungôna ki süm guguzlud’a mi Abram.

Sunda hi suma a sunuzinid’a 27:23

Kayam kama andjege, malaikana hAlo man ma an nga ni lum sundina, mi tchol gevenu,

Gat ta a hat á mbàd’id’a 4:20

Wani agiya, Ma didina mi yogi mi buzugugï woi kur aku d’a für ra kaweina hi Ezipte-nid’a kayambala agi kagagi ni sum mama d’igi agi nga ini na d’a.

1 Amuleina 8:51

Kayam azi ni sum mangâ, azi ni mangâ adjeu dei kid’a ang buzuguzï woi kur ambas sa Ezipte-d’id’a; nambas sa ang yozï woi kur d’igi ang yozi naduk aku d’a bibiliud’a na d’a.

Jeremi 11:4

Ni vun ma djin ma an djinim kabuyogi ngolo ata yima an buzuguzï woi kur ambas sa Ezipte-d’a d’igi für ma kaweina na na, an dazi ala: Agi humugi vama an hagi vuna kama, agi tid’igi yam vama an hagi vuna kama mi. Hina wani, agi mba mbud’ugi sum mana, an mba ni arî Alo magina mi.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Sawal la giled’a 66:12

Ang ar suma a kal kami djangâ kakulumeina, ami kalami aduk akud’a ki mbina mi, wani ang pad’ami woi kur á b’lengêmi hurumiya.

Daniel 6:21

Daniel mi hulong dum ala: Amulâ, ar va mi lang ngi!