Daniel 2:22 - Bible azumeina

²² Mam mi ma nga mi tak ahle suma mudurina kahle suma a nga ngeid’ina woina. Ni ma wahle suma a nga kur nduvundina, ni ma nga kaka kur b’od’ina mi.

Daniel 2:22 Referans Kwoze

Wana ni mbaktumba hi Job-pa 12:22

Nga mi nde ki vama ngeid’a kur nduvun nda i’îlikina woi abu pid’agi, nga mi tak nduvun nda matna woi abu pid’ak mi.

1 Jean 1:5

Wana ni zla d’a ami humumizi avun Jesus Christ sa ami nga dagizi woid’a mi: Nala, Alona ni b’od’a, nduvunda nga kurum mbi.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Jeremi 23:24

Ma didina mi de kua ala: Na ni sama mi ndak á ngei tam ata yima bei an wuma nga zu? An ni oî nga hur akulod’a, an ni oî nga yam andagad’a mi d’uo zu?

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

1 Timote 6:16

Mam tu ni ma bei matna, ni ma nga kaka kur b’o d’a sana mi ndak á hut go gevem mbuo d’a. Ni ma sa wum nga d’uo na, ni ma sa mi ndak á wum mbuo na mi. Hud’a kad’enga ni mamba gak didin. Amin!

Daniel 5:11

Kur leu manga sama Muzu’â hAlo ma bei tchod’a ba na nga kuruma mi nga. Kur atchogoid’a habunga a fe b’od’a ki wad’ud’a ki ned’a d’igi ned’a hAlonid’a na natamu. Abung amulâ Nebukanezar mi tinim ma ngolâ hi suma mbuta, hi suma a djop ki tchitchiud’ina, hi suma kumana, hi suma djop ki suma azuleinina mi,

Sawal la giled’a 36:9

Azi nga hop kahle suma zul avo hatang heîna, ang nga hazi mbiyo alum mang ma djivina á tched’a.

Daniel 2:11

Amulâ, zla d’a ang djobomi kata, tad’enga heî. Sama ndak á hulongông humba katna nga d’i. Nalo ma yam ma kaka nga aduk suma yam andagad’a ka hî d’uo na ba, mi ndak á hulongông humba ni mamu.

Isai 45:7

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Efes-sâ 3:5

Kur atchogoi d’a kala, Alona mi simat nga zla d’a muduri ndata woi mi suma d’i, wani ki tchetchemba, yam ad’enga hi Muzuk mamid’a, mi ndat ad’ut tei mi mam suma a sunuzi suma mi tinizi irazi vazina ki mam suma djok vuna mi.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Isai 41:22

Ar agi dagi zlad’a, ar agi vami ad’ud’a woi yam vama mba mi mbana. Wal la avok ka agi tchata ni wal la me ge? Agi dagi woi kat kayambala ami kagami ki ned’a, ami wami ad’u vun zla mat ta ti ndagata mi d’a. Le d’uo ni, agi dami zlad’a yam vama avina. Hina wani, ami mba wami ala agi nalo ma gagazina!

Sawal la giled’a 104:2

angî ma tchuk b’od’a atang d’igi sana mi tchuk baruna atam na na, ang gang akulod’a d’igi sana mi gang azid’a akulo na mi.

Wana ni mbaktumba hi Job-pa 26:6

Yima azuleina ni woi pid’ak iramu; zul la yiyik ka suma a ba woi kuad’a, ti nga ngeid’a iram mbuo mi.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Jean 1:9

Ndat ni b’o d’a gagazi d’a mba kur duniyad’a á b’o yam suma peta.

Matiye 13:13

Ni kayam ndata ba, an nga ni dazi zlad’a ki d’ogolâ wana, kayam azi nga gola, wani a nga we d’i; azi nga huma, wani a nga humut ad’ut ti, a nga wad’ud’a d’uo mi.

Daniel 5:14

An hum ala Muzu’â hAlo ma bei tchod’a ba na mi nga kurungû, angî ma nga de woi yam ahle suma a nga mbana, angî ma wad’ud’a, angî ma ne ma kal teglesâ mi.

Isai 42:9

Gola! Ahle suma avo’â a ndak wa, an nga ni dagi yam suma dingâ kua. Avok ka azi bei led’a, an nga ni dagizi zlazi woyo.

Isai 41:26

Ni nge ba, mi de yam ahle ndazina avok dei tala ami waziya d’a ge? Ni nge ba, mi dazi zlazi adjeu dei tala ami dazi zlaziya d’a ge? Gagazi, sa mi dazi nga zlazi d’ala sana mi humuziya d’a d’i, sa mi hum nga zla magid’a d’uo mi.

Ad’u Tinda 41:16

Josef mi hulong dum ala: Nga ni an ndi; nAlona ba, mba mi hulong hum mba djivid’a mi ang Faron.

Daniel 2:19

Kur andjeged’a Alona mi tak Daniel vama gumun máma kur vama nde tam mbei irama. Ata yi máma Daniel mi le Alo ma sä akulona mersi,

Daniel 2:47

Bugola, amulâ mi de mi Daniel ala: Gagazi, Alo mangâ nAlo ma kal alona petna, mam mi Salad’a hamuleina mi. Ni ma ndäd’u zla d’a mudurid’a woina. Kayam ndata, ang fad’enga, ang tagan ad’u zla d’a muduri ndata woi wana.

Gat ta a hat á mbàd’id’a 29:28

Ma didina kur ayî mama ki hur mam ma zal ma gugulu’â, mi yozi woi yam ambas mazid’a, mi tchuguzi woi yam ambas sa dinga d’igi ei nga weizi ini na.

Ma tchi wala 8:1

Ni nge ba, ni ma ned’a ge? Ni nge ba, mi we á väd’u ahlena woi ge? Ned’a hi sanid’a ti nga d’i zud’um á le furîd’a, iram mba d’us dudurupa pî, ti mbut djivid’a.

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.