Daniel 11:17 - Bible azumeina

¹⁷ Bugola, mam mba mi nga hurum á mba kad’enga hi leu mambid’a pet á zlap zla mamba kamul ma abo ma sutna, mam mba mi hum goromba á atchad’a ki djib’era á b’lagam ambas mamba woyo. Wani kur lem mam ndata hina pet pî, mba mi ndak ki.

Daniel 11:17 Referans Kwoze

Ezekiyel 4:7

Ang mbut irang yam Jerusalem mba a nguyut kä d’a, ang mat bigang nga silid’a kad’u, ang djok vuna kad’u.

Ezekiyel 4:3

Ang hle taza ma kaweina, ang tinim d’igi gulumuna na adigagi kazì ma ngol máma, ang i irang kam á durâ, ang nguyum kä. Wana ni vama taka yam Israel-lâ.

2 Amuleina 12:17

Kur atchogoi ndata Hazayel amul ma Siri-na mi mba á dur ayîna kazì ma Gat-na, mi hlumu, mi nga hurum ala mam i dur ayîna ki Jerusalem mi.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Wana ni Zla d’a Djivi d’a Luc mi b’irita 11:23

Sama nga ki sed’en nduo na ni man ma djangûna, sama nga mi tok ahlena ki sed’en nduo na, mi pleî nahlena woi mi.

Wana ni Zla d’a Djivi d’a Luc mi b’irita 9:51

Ata yima burâ mba go á hle Jesus sä akulona, mi ve tam á i Jerusalem.

Matiye 12:30

Sama nga ki sed’en nduo na, ni man ma djangûna, sama nga mi tok ahlena ki sed’en nduo na, mi pleî nahlena woi mi.

Daniel 11:19

Ata yi máma mba mi hulong kur azì ma ad’eng ma ngungu ma kur ambas mambina. Wani mba mi fad’enga á i avok ki, mba mi mit bei a wum balum asem ba.

Daniel 9:26

Bugol biza d’a kid’iziya kid’iziya dok karagaya yam mbà ndata, a mba tchi Mesi máma, a mba fe sama ndjun kam mbi. Bugol suma hamul ma dingîna a mba mba, a mba b’lak yima ngolâ woi ki yima a tinim iram vama mi. Hina pet pî, ayîna hAlonina mba mi tchi amul máma woyo, wani mam mba mi dur ayîna mi b’lak yina gak mat mama d’igi a nga kam na mi.

Ezekiyel 25:2

Ang gor sana, ang mbut irang yam suma Amon-na, ang djogozi vuna.

Ezekiyel 17:17

Faron ki azigar mama kablau mamba a mba ndjunum fata suma Babilon-na a mba a dur ayîna a ka tazi woi dudup á mbu andagad’a akulo ad’u azina á dap suma ablaud’a woid’a d’i.

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Sawal la giled’a 56:9

Ang we tcha man nda tata d’a, ang ve simi mana kur gugura. Ang b’irim nga kä kur mbaktum manga d’uo zu?

2 Sunda Hamuleinid’a 20:3

Josafat mi mbut mandarâ, mi nga hurum á djop Ma didina, mi he vuna mi suma Juda-na pet ala a d’el tazi bei te tena.

Habakuk 1:9

Sum ndazina pet a mba ná te leud’a kad’enga, a nga i irazi avogovogo. A nga yo suma magomba d’igi lesâ na.