Daniel 10:18 - Bible azumeina

¹⁸ Ata yi máma hina wat ma mi hle tam d’igi sana na na mi don vunan kua, mi han ad’enga.

Daniel 10:18 Referans Kwoze

Daniel 10:16

An gol sama dingâ mi hle tam d’igi sana na, mi don vunanu. Vunan mi hulong mal leyo, an de mi sama nga tchola vorona ala: Salana, ni kayam vama nde tam mbei irana ba, djib’er manda b’lak ngola, ad’engên nga d’uo wana.

Wana ni Zla d’a Djivi d’a Luc mi b’irita 22:43

Ata yi máma, malaikana mi tcholï akulo, mi mba á hum ad’enga.

Daniel 8:18

Ata yima mam nga mi dan zlad’ina, an iran ni kulupa kä andaga, djib’eren ti b’lak ngola. Mi van mi tcholon akulo ata yima an nga kuana.

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

Filip-ma 4:13

An ndak á lahlena pet yam ad’eng nga Christ mi handjid’a.

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

Sunda hi suma a sunuzinid’a 18:23

Kid’a mi kak sä kua ndjö d’a, mi tchol nga mi tit yam andaga d’a Galat-ta ki d’a Frizi-d’a. Mi nga mi sira suma hata pet kur he gagazi mazid’a.

Wana ni Zla d’a Djivi d’a Luc mi b’irita 22:32

wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

Daniel 10:10

Ata yi máma abo sana mi donu, mi tcholon akulo ki guguvan kabonu, wani an nga ni zlak tua.

Wana ni mbaktumba hi Job-pa 23:6

Na ni mam mba mi durun ayîna kad’eng mamba pet tchu? Hawa yak! Mam mba mi humun ni huma d’ö.

Wana ni mbaktumba hi Job-pa 16:5

An mba ni hagi ad’enga ki zla d’a de d’a avunanda; zla d’a de d’a mba d’i ndavunanda, mba d’i b’lengêgi hurugi kur ndak magid’a mi.

1 Samuel 23:15

David mi wala Saul nga mi halam á tchid’a. Mi nga ngeid’a abagei aduk agud’a hur ful ma Zif-fâ.

Daniel 8:15

Ata yima an Daniel nga ni gol vama nde tam mbei irana ni hal ni wum ad’uma, an gol wani, vana nga tchola avoron mi hle tam d’igi sana na.

Sawal la giled’a 138:3

Kur bur ma an yangâ, ang humunu, ang siranu, ang han ad’enga atan mi.