Daniel 1:17 - Bible azumeina

¹⁷ Alona mi he wad’ud’a ki wed’a ngola kur hata ki ned’a mazungeî suma fid’i ndazina. Daniel nga mi vad’ud’a yam ahle suma nde ir sumina kadï d’a ded’a woi mi.

Daniel 1:17 Referans Kwoze

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.

1 Amuleina 3:12

Kayam ndata, d’igi ang de na, an nga ni hang ned’a ki wad’ud’a tala sama avorong ngoze ma blogong ma kak d’igi ang na na nga d’uo d’a.

Daniel 2:21

Ni ma nga mi mbut atchogoid’a kahle suma a nga le kurutna, ni ma nga mi pat amuleina woi yam zlam mazi d’a amula, nga mi tin suma dingâ blangâzina, ni ma nga mi he ned’a mi suma ned’ina, nga mi he wad’ud’a mi suma wad’ud’ina mi.

Wana ni mbaktumba hi Job-pa 32:8

Wani gagazi, Muzu’â mi nga kur sana; ni muzuka hi Ma ad’engêm kal petnid’a ba, ti he sana wad’ud’a.

Daniel 2:23

Ang Alona habuyon ngolona, an nga ni hang ngola, an nga ni gileng yam ned’a kad’enga suma ang handjina, kayam ang tagan ad’u vama ami djobong kama, ang ndami ad’u zla d’a gumunda hamulîd’a woi mi.

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

Zla d’a d’ogolâ 2:6

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Sunda hi suma a sunuzinid’a 6:10

Wani azi ndak á kal kam mbi, kayam nga mi dazi zlad’a ki ne d’a Muzu’â mi humzid’a.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Sunda hi suma a sunuzinid’a 7:22

A hat Moise ned’a hi Ezipte-nid’a pet, mi nga kad’enga kur zla d’a ded’a ki sun mamba pet mi.

Daniel 10:1

Kur biza d’a hindi d’a Sirus amul ma Perse-na nga mi tamulid’a, a ndäd’u zlad’a woi mi Daniel ma a yum ala Beltasar-râ. Zla ndata ni zla d’a gagazid’a. A dum ala: Ayî ma ngolâ nga mi mba. Daniel mi ve zla ndata, mi wäd’u vama nde tam mbei irama mi.

Ezekiyel 28:3

Ang djib’er ala ang kal Danel ki ned’a, ang ndak á wahle suma ngeid’a gumun kä na mi.

2 Sunda Hamuleinid’a 26:5

Kid’a Zakari mi nga ki iramba, Oziyas mi tin hurum á hal Alona. Ni Zakari ba, mi had’am á le mandara Alona. Ata yima mi nga hal Ma didina Alonina, mi lum djivid’a mi.

Ndumba 12:6

Mi dazi ala: Agi humugi zla manda djiviya! Ata yima sana mi mbut ma djogon vunana adigagina, an nde tan iramî nde, an dum zlad’a ni kur adïd’a.

Sunda hi suma a sunuzinid’a 7:10

mi pad’am mbei kur ndak mamba pet. Mi mbud’um sama djivi ma ned’a avok Faron amul ma Ezipte-na. Faron mi tinim á te yam Ezipte kaziyam pet mi.

Daniel 7:1

Kur biza d’a avok ka Baltazar amul ma Babilon-na nga mi tamulid’a, adïd’a de Daniel, vana nde tam mbei iram ata yima mi nga burâ yam azang mamina. Bugola, mi b’ir zlad’a hadï ndatid’a, mi väd’u zla mat ta nglod’a woi mi.

Daniel 2:19

Kur andjeged’a Alona mi tak Daniel vama gumun máma kur vama nde tam mbei irama. Ata yi máma Daniel mi le Alo ma sä akulona mersi,

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Isai 28:26

Alo mama mi had’am á tit kaziya, mi had’am gat mamba mi.

Ma tchi wala 2:26

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

2 Sunda Hamuleinid’a 1:10

Ki tchetchemba, ang han ned’a ki wad’ud’a, kayam an we lovota á tit avok sum ndazina. Ni nge ba, mi ndak á te yam mang suma ablau suma tchotcho ndazina ge?

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

Daniel 8:1

Kur biza d’a hindi d’a Baltazar nga mi tamulid’a, vana nde tam mbei iran an Daniel bugol ma mi nde tam mbei iran avo’â.

Daniel 5:14

An hum ala Muzu’â hAlo ma bei tchod’a ba na mi nga kurungû, angî ma nga de woi yam ahle suma a nga mbana, angî ma wad’ud’a, angî ma ne ma kal teglesâ mi.

2 Sunda Hamuleinid’a 1:12

ned’a ki wad’ud’a, an nga ni hangziya, an mba ni mbud’ung sama ndjondjoîna, sama fed’a, sama suma a suburuma mi. Sama tamula avorongâ d’oze sama mba mi tamula blogong ma kalangâ nga d’i.

Daniel 1:4

Nala, azungeî suma bei daka ba na, suma djif suma oîd’a ki ned’a ki wed’a ki wad’ud’ina, suma a ndak á le sunda kur gong nga amula, suma a ndak á hat vun Babilon-na ki lovot ta b’irimba mi na.

Daniel 1:18

Kid’a biza d’a amulâ ngata ndak dad’a, ma ngolâ hazungeîna hamulîna mi mba kazungeî ndazina pet avok amulâ.

Daniel 1:20

Ata yima amulâ mi djobozi ad’ud’a yam hat ta lara ge d’a yam ned’a ki wed’id’a, nga mi fe hum mba azi hulongômzid’a kal hum mba suma mbuta ki suma a djop ki tchitchiud’a suma kur leu mamba petna a hulongômzid’a yazi dogo.

Daniel 2:30

Wani anu, a tagan ad’u adï d’a muduri ndata woi ni kayambala an kal suma dingâ ki ned’a ped’u d’a d’i, wani ná vang ad’u adï manga woi ná tagang djib’er ra kurunga woyo.

Daniel 4:6

Kayam ndata, an he vuna ala a mbeï ki suma ne suma a nga kaka Babilon-na pet avoron tala a van ad’u adï d’a danda woyo d’a.