Buzuk ka Abud’a 8:8 - Bible azumeina

⁸ Moise azi ki Aron a buzuk kei avo hi Faron. Moise mi tchen Ma didina yam greneû ma mam mbam yam Faron-na.

Buzuk ka Abud’a 8:8 Referans Kwoze

Buzuk ka Abud’a 10:17

Wani ki tchetchemba, agi vad’agi hurugi woi kanu, agi i tchenegi Ma didina Alo magina, ar mi hle ndak ka tcho d’a tchi mat ndata woi kan wü d’a.

Buzuk ka Abud’a 9:28

Agi i tchenegi Ma didina tala breîd’a ki mogoina a le d’uo d’a. An mba ni aragi agi igiya, an mba ni d’elegi d’uo d’a.

1 Amuleina 13:6

Atogo hina zak amulâ mi de sana hAlonina ala: Ang tchen Ma didina Alo mangâ mi vat hurum mbei kanu, mi mbud’un abon blangâm ma adjeuna. Sana hAlonina mi tchen Ma didina; amulâ abom mi mbut blangâm ma adjeuna mi.

Ndumba 21:7

Suma a arâ a i gen Moise, a dum ala: Ami lami tchod’a, kayam ami guruyômi yam Ma didina, kang ang mi. Ang tchen Ma didina, mi yo guguyo ndazina woi atamiya. Moise mi tchen Ma didina yam suma.

Sunda hi suma a sunuzinid’a 8:24

Simon mi hulong dum ala: Agi tchenegi Salad’a kanu, kayam ahle suma agi dazi wana a mba kan ndi.

Sawal la giled’a 66:3

Agi dagi mAlona ala: Sun manga ni sun nda ndandala. Yam ad’eng manga, mang suma djangûna a hulong yazi kä avorongû.

1 Samuel 12:19

a de mi Samuel ala: Ang tchen Ma didina Alo mangâ yam ami azungeî mangâ, kayam ami bomi woi d’i; ami lami tcho d’a ngola yam ndrata kua, kayamba ami halami amulîd’a.

Buzuk ka Abud’a 14:5

Suma a mba, a de mamul ma Ezipte-na ala: Israel-lâ a ring wa. Ata yi máma Faron kazungeî mama djib’er mazid’a mbut kä yam Israel-lâ, a dala: Ei lei ni me hina ba, ei arei Israel-lâ a i ge? Ni kayam me ba, ei arazi á lei sun nda magomba d’uo ge!

Buzuk ka Abud’a 5:2

Faron mi hulong dazi ala: Ma didina ni nge ba, an humum vunam ba, an ar Israel-lâ á id’a ge? An we nga Ma didina d’i, an nga ni ar Israel-lâ á id’a d’uo mi.

Buzuk ka Abud’a 8:9

Ma didina mi hum tchenda hi Moise-sa; greneûna mi bo woi hur gongîyona, hur azina, hur asinena mi.

Buzuk ka Abud’a 8:15

Ata yi máma suma kumana a de mi Faron ala: Vama le wana nad’enga hAlonid’a! Wani Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Buzuk ka Abud’a 9:27

Faron mi yï Moise azi ki Aron, mi dazi ala: Ki tchetchem mba wanda, an le tchod’a! Ma didina ni ma d’ingêrâ; an ki sum mana, ami lami tchod’a!

Buzuk ka Abud’a 10:16

Faron mi yï Moise azi ki Aron atogo zak, mi dazi ala: An le tchod’a avok Ma didina Alo magina, an le tchod’a avogogi agi mi.

Buzuk ka Abud’a 9:33

Moise mi nde woi avo hi Faron bugol azina, mi yo abom akulo avok Ma didina. Alona mi ar bei breîd’a, mogoina ad’um ka, alona mi yo woi mi.

Buzuk ka Abud’a 10:18

Moise mi nde woi avo hi Faron, mi i tchen Ma didina.

Buzuk ka Abud’a 32:11

Wani Moise mi tchen Ma didina Alo mama ki hud’a, mi dum ala: Ma didina, ni kayam me ba, hurung zal ngola ata mang suma ang pad’azï woi kur ambas sa Ezipte-d’a kad’eng mang nga ngola ki sib’ik mangina ge?