Buzuk ka Abud’a 8:10 - Bible azumeina

¹⁰ A molom gubud’a gubud’a; ambasa b’ik kä ki hisâ b’ib’ik.

Buzuk ka Abud’a 8:10 Referans Kwoze

Isai 46:9

Agi djib’eregi yam ahle suma kalâ, kayam an nAlona, ma ding nga d’i. An nAlona, ma hle tam d’igi an na na nga d’uo mi.

Sawal la giled’a 86:8

Salad’a, alo ma ding ma d’igi ang na na nga d’i, sun manga a nga ngat ki ndrat ti.

1 Sunda Hamuleinid’a 17:20

Ma didina, ma hle tam d’igi ang na na nga d’i. Alo ma ding ma d’igi ang na na nga d’uo d’igi ami humumi ini ki humami na.

2 Samuel 7:22

Ma didina, Alo mana, angî Ma ngol ma kal papana, kayam ma hle tam d’igi ang na na nga d’i. Alo ma ding ma gagazina nga d’i, d’igi ami nga humumi ini ki humami na.

Gat ta a hat á mbàd’id’a 33:26

Moise mi de kua ala: Jesurun, alo ma ding ma d’igi Alo mangâ na na nga d’i. Nga mi djï kur akulod’a á ndjunungû, nga mi tit kur d’ugula ki subur mamba.

Buzuk ka Abud’a 9:14

Ki tchetchemba, an nga ni sun ndak man nda tetenga kang ang tanga kazungeî mangâ ki sum mangâ mi, kayam ang wala kur duniyad’a pepet vama hle tam d’igi an na na nga d’i.

Jacques 4:14

Agi wagi nga vama mba ndjivina d’i. Agi ni me ge? Agi suma d’igi amborogei d’a ti ge ndjö bugola ti b’rau woid’a na na, agi ni me ko ge?

Isai 40:25

Ma bei tchod’a ba na mi dala: Agi ngan ndi ni ki nge ge? An hle tan ni ki nge ge?

Zla d’a d’ogolâ 27:1

Ar ang subur tang yam vama lavina d’i, kayam ang we nga vama nga mi mba kur bur ma tunina d’i.

Sawal la giled’a 83:18

Ar azi mbut zulona, ar azi mbut mandarâ ki irazi fafat, ar a mang ngei avun nga hur mazina, ar a dap pei mi.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Gat ta a hat á mbàd’id’a 32:31

Kayam ahina mazi d’a ndjunda nga d’igi an Ahina d’a ndjunda hi Israel-lîd’a na d’i, mazi suma djangû tazid’a pî, a we na mi.

Gat ta a hat á mbàd’id’a 4:35

Agi wagi ahle ndazina woi tetet, nala, agi wagi woi tetet ala Ma didina tu nAlona. Ma ding ma d’igi mam na na nga d’i.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Buzuk ka Abud’a 9:29

Moise mi hulong dum ala: Ata yima an mba ni nde woi hur azinina, an mba ni yo abon akulo avok Ma didina. Alona mba mi ar bei breîd’a, mogoina ad’um mba d’i ka mi. Ata yi máma ang mba wala andagad’a doli nabo Ma didina.

Buzuk ka Abud’a 8:9

Ma didina mi hum tchenda hi Moise-sa; greneûna mi bo woi hur gongîyona, hur azina, hur asinena mi.

Gat ta a hat á mbàd’id’a 3:24

Salad’a Ma didina, ang nde tagan an azong mangâ ngol manga ki sib’ik manga. Nalo ma lara ma kur akulod’a d’oze ma yam andagad’a ma ndak á le sunda kahle suma ndandalâ d’igi suma ang nga lazi wa na na ge!

Gat ta a hat á mbàd’id’a 4:39

Agi wagi ini woi tetet, agi vagi zla ndata kurugi ala Ma didina tu nAlona; sä akulo hur alona d’oze yam andagad’a ka hî, alo ma ding nga d’i.

Isai 40:18

Agi min á ngagi Alona ni ki me ge? Angus vama tchet ma vragam blangâma ni me ge?