Buzuk ka Abud’a 7:3 - Bible azumeina

³ Wani an mba ni b’al hur Faron, an mba ni zul ahle man suma simata ki suma ndandalâ kur ambas mamba.

Buzuk ka Abud’a 7:3 Referans Kwoze

Buzuk ka Abud’a 4:21

Ma didina mi de mi Moise kua ala: Fata ang hulong Ezipte-d’a, ahle suma yoyou suma an hangzi abong wana, ang mba lazi avok Faron. Wani an mba ni b’alam hurumu, mam mba mi ar Israel-lâ á id’a d’i.

Buzuk ka Abud’a 11:9

Ma didina mi de mi Moise ala: Faron mba mi humugi d’i. Kayam ndata, an mba ni lahle suma ndandalâ kam kua kam kua kur ambas sa Ezipte-d’a.

Romê-na 15:19

yam ad’enga hahle suma simata kahle suma atchapma, yam ad’enga hi Muzuk ma bei tchod’ina mi. Hina, an tchi wal Zla d’a Djivid’a hi Christ-sa ngola tinï Jerusalem dei gak mba yam andaga d’a nguyuta gak mba yam andaga d’a Iliri-d’a.

Sunda hi suma a sunuzinid’a 7:36

Ni Moise ba, mi buzuk Israel-lâ woi yam ambas sa Ezipte-d’a, mi lahle suma ndandalâ kahle suma simata kur andaga d’a Ezipte-d’a, kur alum ma ngol ma Tchereuna, kur fulâ bizad’a dok fid’i mi.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Jean 4:48

Kayam ndata, Jesus mi dum ala: Le ba agi wagi ahle suma simata kahle suma atchapma d’uo ni, agi nga hagi gagazid’a d’i.

Sawal la giled’a 135:9

Mi sunï ahle suma simata kahle suma yoyouna yam andaga d’a Ezipte-d’a á dur Faron kazungeî mama pet.

Mise 7:15

Ang tagami sun nda atchapa d’igi kur bur ma ang buzugumï woi avo Ezipte-na na.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Nehemi 9:10

Ang tak ahle suma yoyou suma ndandalâ woi ata Faron, ata azungeî mama, ata suma yam ambas mambina pet mi, kayam ang we murud’um mba ngol la azi lat mabuyomi ngolod’a, ang tak subur manga woi atazi d’igi ini na mi.

Gat ta a hat á mbàd’id’a 7:19

kahle suma nglo suma kuk suma agi wazi ki iragina, kahle suma simata, kahle suma atchapma, kabom ma ad’engâ ki bigam mba zid’a kam akulo zi ata yima mi buzugugï woina. Ma didina Alo magina mba mi le ki suma pet suma a nga avorogi suma agi lazi mandarazi wana ni na mi.

Gat ta a hat á mbàd’id’a 4:34

Alo ma ding ma mba, mi prut andjaf ma ding ma nga aduk andjaf ma dingâ á mbud’um sum mama kahle suma kuka, kahle suma simata, kahle suma yoyouna, kayî ma durâ, kabom ma ad’engâ ki bigam mba zid’a kam akulo zid’a, kahle suma ndandal suma mbut suma mandarâ hina pet d’igi Ma didina Alo magina mi le ki sed’egi avo Ezipte hina na nga zu?

Buzuk ka Abud’a 9:16

Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

Buzuk ka Abud’a 4:29

Moise azi ki Aron a i tok suma nglo suma Israel-lâ pet.

Buzuk ka Abud’a 4:7

Mi dum kua ala: Ang tin abong didigang kua. Mi hulong mi tin abom didigamu. Bugol mi hlum mbeyo; abom hulong mbut blangâm ma adjeuna!

Romê-na 9:18

Ni hina ba, Alona mi we hohowa sama mam min wum hohowoma, mi b’al hur sama mam min b’alam huruma mi.

Buzuk ka Abud’a 3:20

Ni kayam ndata ba, an mba ni to suma kur ambas sa Ezipte-d’ina kahle suma ndandalâ teteng kurud’u. Bugola, mam mba mi aragi agi igiya.

Buzuk ka Abud’a 7:13

Wani Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Buzuk ka Abud’a 11:10

Moise azi ki Aron a lahle suma ndandal ndazina avok Faron pet. Wani Ma didina mi b’al hur Faron kiki; mi ar nga Israel-lâ á buzuk kei abu kur ambas mamba d’i.

Buzuk ka Abud’a 14:4

An mba ni b’al hur Faron kiki. Mam mba mi digigi ad’ugiya, wani an mba ni mbut ni vama subura yam Faron ki azigar mama. Hina wani, azi mba wala an ni Ma didina. Israel-lâ a lahle suma Ma didina mi hazi vuna kazina.

Sawal la giled’a 78:12

Mi le sun nda atchapa avok abuyozi ngolo kur Ezipte abagei kel avo Sowan.

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.