Buzuk ka Abud’a 7:22 - Bible azumeina

²² Wani Ezipte suma mbuta a le kahle mazi suma mbuta na mi. Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Buzuk ka Abud’a 7:22 Referans Kwoze

Buzuk ka Abud’a 7:11

Wani Faron mi yï suma ned’a ki suma mbuta ki suma kuma suma Ezipte-na. A lahle mazi suma mbuta mi.

2 Timote 3:8

Azi ni d’igi Janes azi ki Jambres suma a tchol djangûna ki Moise adjeuna na; sum ndazina a nga tchol djangûna ki gagazid’a mi. Ni suma djib’er mazid’a b’lak keina, he gagazi mazid’a ndak nga d’i.

Jeremi 27:18

Jeremi mi de kua ala: Le azi ni suma djok vun suma gagazina, le Ma didina mi hazi zla mamba abozi gagaziya ni, ar a tchen Ma didin ma ad’engêm kal petna ka tchetchem ala ar ahle suma ar kur gong mam mba kud’orina kahle suma kur azì ma amula hamul ma Juda-na ki suma kur Jerusalem-ma, ar a yozi a i ki sed’ezi Babilon ndi.

Ad’u Tinda 41:8

Wani ki yorogod’a, Faron djib’er mamba b’lak ngola, mi yi suma mbuta ki suma ne suma Ezipte-na, mi vazi ad’u adï mamba, wani sama vumzi ad’ut teina nga d’i.

Buzuk ka Abud’a 7:13

Wani Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Buzuk ka Abud’a 7:21

Kuluf ma kur alumina mi bo woyo, aluma mi bu mi. Ezipte-na a ndak á tche mbiyo máma d’i, kayam buzuna mi nga kur ambas sa Ezipte-d’a pet.

Buzuk ka Abud’a 7:23

Faron mi hulong avo hatamu, mi gol zla ndata ni va d’i.