Buzuk ka Abud’a 7:21 - Bible azumeina

²¹ Kuluf ma kur alumina mi bo woyo, aluma mi bu mi. Ezipte-na a ndak á tche mbiyo máma d’i, kayam buzuna mi nga kur ambas sa Ezipte-d’a pet.

Buzuk ka Abud’a 7:21 Referans Kwoze

Buzuk ka Abud’a 7:18

Kuluf ma kur alumina mba mi bo, aluma mba mi bu mi. Ezipte-na a mba hal lovota á tche mbina pî, a mba fe d’i.

Vama ndum mbeina 8:9

Ahle suma ari suma a nga kur alum ma ngolâ suma a walazi aduk hindina abozi ma tuna mi bo woi pet, batod’a a walat aduk hindid’a abot ma tuna mi b’lak kei pet mi.

Buzuk ka Abud’a 7:20

Moise azi ki Aron a le d’igi Ma didina mi hazi vuna na. Aron mi hle totogod’a akulo, mi wat mbiyo alum ma Nil-lâ kä ir Faron kazungeî mama. Mbiyo alum ma Nil-lâ pet mi mbut buzuna.

Buzuk ka Abud’a 7:22

Wani Ezipte suma mbuta a le kahle mazi suma mbuta na mi. Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Sawal la giled’a 105:29

Mi mbut alum mazina buzuna, mi tchazi kuluf mazina woi mi.

Buzuk ka Abud’a 8:14

Suma kuma suma Ezipte-na a lahle mazi suma mbuta á mba ki vurutna mi, wani a ndak ki. Vurutna mi nga yam suma ki d’uwarâ.

Isai 19:8

Suma tchiuna a mba zam taziya, suma pet suma a gun tunglîd’a kä kur alum ma Nil-lîna a mba yor taziya, suma a tchiu kabei ma nglona hur alumina a mba mbut hohoud’a mi.